百芳池上便當 (大河道) (已搬遷) 新店位置

喺AEON血拼抢购零食杂粮之后，去咗佢地下百芳池上便当买lunch外卖。之前一直行过冇乜特别留意以为佢系做日本餐。 今次系第一次试睇清楚啲先知道原来佢系一间台湾嚟嘅餐厅，落单嘅时候好surprise佢几位靓女员工都系讲好流利嘅台语，所以未食之前已经感觉良好。佢个lunch menu有八种便当选择，最后嗌咗个$59蚊台湾盐酥鸡便当。佢用个特别木制嘅圆盒装饭做底之后上面铺有粟米，菜脯，台式粉丝，西兰花做伴菜之后中间再加啲芫茜喺底, 盐酥鸡喺面再加半只卤蛋。佢成个lunch好健康，系一个营养餐加炸得香脆滋味台式盐酥鸡。冇谂过个便当lunch可以咁balance.饮品我就加咗杯特饮桂花乌龙茶，好清新有茶味。我好奇心想试多啲所以再加咗一份台湾小食炸花枝丸，炸得香脆最重要冇雪藏味食落新鲜。下次可以返嚟试佢个炸鸡髀花都好吸引，欣赏佢所有嘅炸物都炸得干身唔油腻同埋个味腌得好。