影片
更多
2023-09-02
63 浏览
好耐冇打边炉啦, 今日去荃湾Plaza 88, 经过二楼, 见到码头故事火锅系呢度开佐新分店, 装修充满古色古香中国风, 朋友之前食过已经大赞, 见到餐厅做紧全单8折既优惠, 我地都即兴入佐去打边炉, 见到附近人流都比较少, 可能因为新开无太多人知.店员安排我地坐低, 简单介绍如何落单, 再帮我地斟茶, 服务非常之好, 我惊觉啲茶非常好饮, 专登问佐店员系咩茶, 店员介绍话系荞麦茶, 川式打边炉食辣嘢配荞麦茶系必备既, 好正like.见到有特制既调味油, 又有大大碗芫荽, 葱花, 蒜泥, 豉油, 我都自制佐一碗准备一阵配肉食yuk好特别既系平时鸳鸯锅多数系拣一款辣一款唔辣 , 但呢间有得拣两款都唔辣, 真系好啱我地唔食辣又想多口味既人, 我地嗌佐一个菌汤锅, 一个蕃茄锅先, 汤底一到, 见到材料都好多, 一滚起我地试饮佐一啖, 店员好细心咁另外拎佐两个碗俾我地饮汤, 我地即刻一人斟佐两大碗汤黎饮, 汤底好清甜, 好好饮之后啲嘢食都好快地陆续送上, 因为想试多几款, 所以我地全部都嗌半份, 其实一份会抵啲,黄骨鱼一黎到即刻放入汤度煲, 个汤底会再鲜甜啲，鲜鸭血一咬落去就知同出面𠮶啲
好耐冇打边炉啦, 今日去荃湾Plaza 88, 经过二楼, 见到码头故事火锅系呢度开佐新分店, 装修充满古色古香中国风, 朋友之前食过已经大赞, 见到餐厅做紧全单8折既优惠, 我地都即兴入佐去打边炉, 见到附近人流都比较少, 可能因为新开无太多人知.
店员安排我地坐低, 简单介绍如何落单, 再帮我地斟茶, 服务非常之好, 我惊觉啲茶非常好饮, 专登问佐店员系咩茶, 店员介绍话系荞麦茶, 川式打边炉食辣嘢配荞麦茶系必备既, 好正like.
见到有特制既调味油, 又有大大碗芫荽, 葱花, 蒜泥, 豉油, 我都自制佐一碗准备一阵配肉食yuk
好特别既系平时鸳鸯锅多数系拣一款辣一款唔辣 , 但呢间有得拣两款都唔辣, 真系好啱我地唔食辣又想多口味既人, 我地嗌佐一个菌汤锅, 一个蕃茄锅先, 汤底一到, 见到材料都好多, 一滚起我地试饮佐一啖, 店员好细心咁另外拎佐两个碗俾我地饮汤, 我地即刻一人斟佐两大碗汤黎饮, 汤底好清甜, 好好饮
之后啲嘢食都好快地陆续送上, 因为想试多几款, 所以我地全部都嗌半份, 其实一份会抵啲,
黄骨鱼一黎到即刻放入汤度煲, 个汤底会再鲜甜啲，
鲜鸭血一咬落去就知同出面𠮶啲放题店无得比, 好弹牙好好食，后悔嗌半份, 有啲少,下次会叫一份
三秒海带芽讲到明只需要碌三秒就食得, 太好食, 唔舍得太快食晒, 留佐一半最后食
鹌鹑蛋平时打边炉都少有, 今次竟然俾我见到, 一定要食
红酒腰片: 呢个系一个新尝试, 第一次食, 隔离红酒可以去腥味, 猪润味道, 平时钟意食猪润一定要试
竹海笋片王好大块好清爽, 索晒啲汤底汁like
安格斯肥牛: 肉味非常浓厚, 食得出好新鲜, 有钱一定要嗌多几碟
极品黑豚肉比想像中少, 可能因为系黑豚, 稀有啲, 当然味道亦都唔会令我失望, 平时食放题一定唔会嗌猪肉, 但呢间绝对要嗌
羊肉卷意外地大份, 朋友觉得有啲骚味, 但我正正就系觉得咁先正宗, 先好食
鲜红薯粉每次打边炉都会嗌, 望落同平时食开啲薯粉有啲唔同, 放入汤底煮到透明, 食落口感更加烟靭好食, 最重要系唔易断like
皇帝菜无得拣份量, 但一黎到见到咁多有啲吓亲, 皇帝菜咁矜贵好少会俾咁多, 真系开心, 亦都唔会俾啲好老既菜你食, 真系新鲜蔬菜黎.
仙人掌果梳打茶有好清香既花茶味, 好好饮.
黄金炸馒头: 见到餐牌仲有啲特色小吃, 虽然好饱但都真系好想试下, 炸馒头炸得外脆内软, 真系好啱我食, 一下子食晒
手工米糕系佢地既特色手工甜品, 第一次食, 感觉好新奇, 作为今餐既句点好完美flower
埋单一人先三百几蚊, 真系抵到烂, 又高质, 仲使乜去食赶头赶命既火锅放题呢lol
张贴
