碼頭故事 (已搬遷) 新店位置

同朋友讲左好耐想食火锅，咁我就带佢去尖沙咀呢间嚟自成都一间正宗嘅火锅店。餐厅既装修好影响客人既观感，我地一入到去已经感受到个气氛同装修好古色古香，有古代茶楼既风味。浆料方面就有蒜蓉，葱粒，芫荽，同一罐麻油，蚝油，醋，可按照个人喜好加减配料，然后搅匀，我自己就少落醋，因为怕酸，而且食惯配料都系咸味。我地拣左蕃茄锅，𩠌菜方面，由于我哋两个都好肚饿，所以叫下叫下都嗌左好多野食。首先系安格斯肥牛，睇落已经觉得好碟，牛肉油花均匀，肉质嫩滑，又唔韧，食落有浓郁既牛味。跟住叫左精选五花肉同埋羊肉卷。五花肉肥瘦相间，肉味香浓。而羊肉卷肉质细嫩，食落又唔觉得膻。另外仲叫咗脆炸鱼皮，耗鱼儿，宜宾小香肠同日本蟹子丸。鱼皮即炸即上，渌两下就食得，耗鱼儿鱼肉嫩滑，但要小心啲细骨。宜宾小香肠食落似腊肠，但比腊肠细条啲，打边炉食好似怪怪地。最后我哋仲叫咗两碗红糖冰粉，食完咸野食返甜品调剂下，冰粉非常清甜，食完透心凉。