皇悅33西餐廳

营业中

休息中

Cafe位处酒店既地库，所以无乜景睇，虽然佢叫Cafe，但环境好似一般西餐厅格局，但服务都唔错，食物质素就中规中矩啦，唔好有太大期望，胜在样样都有，沙律、中汤西汤、鱼生、寿司、各种肉类扒类、蒸鱼、炒饭意粉、点心、甜品、生果。但有两样吸引人既地方，第一就系佢地星期六、日既自助午餐，可以由12:00pm食到4:00pm，成人收$78，小朋友就收$68（另加一），足足可以食足4个钟，放心，食几耐无时限，唔会被人叫埋单。第二系佢地既唐茶、西茶、咖啡、热朱古力、杂果宾治、果汁先生……任斟任饮，晌Cafe叹两杯咖啡都几大蚊啦！所以最好就系约埋班耐无见既老友记，一切出哩吹水，食足4粒钟，倾足4粒钟，倾到口干就整多杯咖啡或宾治继续倾过，你胃口够大，食埋下午茶都仲得。