焱丸水產 (已結業)

特别日子梗系要食好东西, 想起上次朋友生日喺"焱丸水产"尖沙咀店食生日饭念念不忘, 今次同朋友仔就去铜锣湾分店庆祝一下特别日子。餐厅一入门口就会置身喺日本居酒屋既感觉, 就好似飞咗去日本咁, 每张枱已经放了一个小火炉, 我仲留意收银位有得租借充电宝几好。 晚饭过程当中, 巧遇有其他客人生日, 餐厅会调较灯光, 播住强劲生日歌, 捧住生日蛋糕俾主角, 想庆祝生日朋友可以考虑考虑👍🔸梅酒煮海老🔸好开胃既一道菜, 虾肉够新鲜弹牙, 梅酒不算重酒味, 酸甜汁更开胃, 送酒一流。🔸刺身三盛+活海螺刺身🔸够哂新鲜厚身唔腥, 活海螺劲好味, 好钟意口感Q弹夹杂海水既鲜甜味。🔸矶烧带子🔸店员细心即时为我地烧, 简单既调味已经好好味, 最重要系材料新鲜。🔸轰炸鸡🔸炸得外脆内嫩, 本身鸡肉同脆浆都已调味过, 亦唔会太厚脆浆刚好, 有别一般炸鸡👍🔸花鱼半条🔸好大既一条花鱼, 鱼油好香, 好味。🔸焱丸号寿司🔸超级丰富既寿司, 睇落系六款唔同既口味, 配以三件军舰寿司, 可以每款军舰两个口味, 材料新鲜, 好满足。🔸芝士鱼蛋🔸烧得流心芝士好正, 啱哂我呢个芝士控。🔸白桃梳打🔸唔饮酒既我叫咗杯有汽饮品都一样咁正。