御前大江戶日式料理 (已結業)

上网见到呢间放题有矶烧么海鲜食，即刻俾佢吸引左。因为平时居酒屋食矶烧海鲜其实都几贵，而今次呢个放题都系三百零蚊，所以就嚟咗啦。星期一八点钟去到餐厅都差唔多full晒，所以建议最好就book枱啦。一坐低店员就会为你送上一盘海鲜，入面包括有蟹盖，两只蟹钳，鲍鱼，圣子同生蚝。一开始店员会帮你开炉同埋帮剪展开啲壳放上去烧，好彩有佢地，如果唔系都几无助。食落味道都几nice㖞，鲍鱼同圣子都唔韧，个蟹盖咸咸地好浓郁，呢盘矶烧海鲜都几有诚意，唔系交行货咁简单。除此之外，啲剌身都几fresh，一啲都唔腥。海胆手卷正呀，海胆冇渠味，啲饭好少，唔会比啲饭打饱左。炸物方面，鸡亦外脆内嫩，鸡软骨食得好过瘾，仲有个榴连波食落好香呀。除左用ipad嗌野食之外，其实出面都有啲前菜，野饮，甜品同雪糕拎添。So far黎讲呢餐都几特别，因为好少放题有矶烧炉仔，而且呢度系贵精不贵多，每样野食都新鲜即整添。