漁獲浜燒 (已結業)

友人话好耐冇同我食矶烧海鲜，所以今晚就带我黎到呢间位于H8的矶烧餐厅食饭!餐厅简洁干净，看看餐牌也有很多不同的食物可以选择 。点餐后，店员送上前菜。芝麻盐酱椰菜，椰菜爽口鲜甜，配上芝麻酱令人停唔到口。原板韩国海胆，只要于facebook like佢地个page，就可以免费食到原板韩国海胆。虽然系送的，但系都唔差!海胆份量都有几多，粒粒鲜甜唔苦，配埋紫菜一齐食更加美味!二人浜烧盛合，既然友人带我黎呢间餐厅，当然要食矶烧海鲜。这里的店员会帮忙烧，只要坐定定等食就得啦!这款盛合包括有生蚝、帆立贝、黄贝、赤虾、贵妃贝、赤虾同埋鱿鱼筒。生蚝成只手掌咁大只，胀卜卜，非常鲜甜，店员话本身呢只生蚝可以生食，所以没有烧到全熟，这样会更鲜。贝壳类肉质都好鲜甜而且好新鲜。鱿鱼筒烧得好爽口弹牙，本身已经有落盐的，但再点少许酱汁一齐食更加惹味!帆立贝有清酒烧和牛油烧，前者清甜，后者惹味!柚子雪葩，够酸，味道系真柚子，唔系假甜，口感也是雪葩的口感，可以解腻呢!