影片
更多
2017-03-24
10373 浏览
喺 openrice 见到呢间放题除咗一般放题嘅寿司刺身同熟食之外，竟然仲有个矶烧炉俾你自己玩，由于二人同行一人半价，个价钱仲要比起其他放题平少少，有得食又有得玩仲要咁抵食，等我今日嚟试下先。刺身方面嗌咗三文鱼，油甘鱼，大头虾，马刀贝同埋呢度竟然有嘅深海鲈鱼刺身，各款刺身都新鲜美味，特别系深海鲈鱼，𠮶份嫩滑鲜甜，真系唔系度度都有得食。另外温提呢度嘅 wasabi 都比较攻鼻，第一件唔好点咁多啊。温泉蛋嘅火候掌握得刚刚好，唔会话老到实的的，又唔会话生到水了了，一啖雪哂入口，𠮶个蛋黄味特别浓，加埋上面有我至爱嘅葱花，仲要铺到密麻麻，豉油𠮶方面又唔会话太咸，好味。矶烧生蚝，蚝身饱满，只只都有成四吋长，最重要系加埋 侧跟𠮶兜蒜蓉同埋辣椒碎，𠮶份风味，绝对要响深圳河以北先至揾得到。黑松露三文鱼寿司，三文鱼寿司上面加咗一啲黑松露酱， 黑松露酱渗出淡淡嘅黑松露味，而黑松露味同个三文鱼味原来系出奇咁夹，不过做寿司嘅三文鱼就略嫌温暖咗啲。特别钟意佢旧饭细细嚿，咁就唔怕食唔落其他嘢啦。海胆三文鱼花之恋寿司，估唔到旧饭仔细细，上面都可以有成三四块海胆，仲要块块都好新鲜，完全无腥味㗎，鱼子喺口入面应声爆开，同
喺 openrice 见到呢间放题除咗一般放题嘅寿司刺身同熟食之外，竟然仲有个矶烧炉俾你自己玩，由于二人同行一人半价，个价钱仲要比起其他放题平少少，有得食又有得玩仲要咁抵食，等我今日嚟试下先。
刺身方面嗌咗三文鱼，油甘鱼，大头虾，马刀贝同埋呢度竟然有嘅深海鲈鱼刺身，各款刺身都新鲜美味，特别系深海鲈鱼，𠮶份嫩滑鲜甜，真系唔系度度都有得食。另外温提呢度嘅 wasabi 都比较攻鼻，第一件唔好点咁多啊。
温泉蛋嘅火候掌握得刚刚好，唔会话老到实的的，又唔会话生到水了了，一啖雪哂入口，𠮶个蛋黄味特别浓，加埋上面有我至爱嘅葱花，仲要铺到密麻麻，豉油𠮶方面又唔会话太咸，好味。
矶烧生蚝，蚝身饱满，只只都有成四吋长，最重要系加埋 侧跟𠮶兜蒜蓉同埋辣椒碎，𠮶份风味，绝对要响深圳河以北先至揾得到。
黑松露三文鱼寿司，三文鱼寿司上面加咗一啲黑松露酱， 黑松露酱渗出淡淡嘅黑松露味，而黑松露味同个三文鱼味原来系出奇咁夹，不过做寿司嘅三文鱼就略嫌温暖咗啲。特别钟意佢旧饭细细嚿，咁就唔怕食唔落其他嘢啦。
海胆三文鱼花之恋寿司，估唔到旧饭仔细细，上面都可以有成三四块海胆，仲要块块都好新鲜，完全无腥味㗎，鱼子喺口入面应声爆开，同啲海胆一齐攻陷我嘅味蕾。
天妇罗虾，天妇罗虾炸得好骚脆，摆入口嘅时候仲系暖暖地㗎，而且炸浆又唔厚，个豉油又清清地，同天妇罗好夹。
烧羊架，卒之嚟到我最期待嘅烧羊架喇，呢度嘅羊架油脂丰富，烧得外皮微微脆身，有羊肉应有嘅骚味，重要大块过出面好多添，啱晒钟意食羊嘅朋友。
张贴
