影片
更多
2018-01-07
996 浏览
之前喺中環上班嘅時候，曾經同同事去過上環文咸東街柏廷坊 3 樓嘅法國餐廳「La Parole」食 team lunch。後來從媒體得知，「La Parole」同樓上 7 樓嘅高級日本餐廳「尚善」屬同一集團，均是社會企業。據知兩間餐廳都會將收入扣除成本開支後，全數撥款營運註冊非牟利機構 – 庭恩兒童中心，幫助來自低收入家庭，患有語言障礙的小朋友，實在非常難得。友人向來鍾情日本菜，趁這晚相約一聚，所以就提議來「尚善」試下。店內環境唔錯，地方頗大，空間闊落，裝潢簡約雅緻，以木質為主調，牆身掛有和服同日式壁畫，配以吧檯頂頭嘅清酒瓶作點綴，散發日系風情。安坐後，店員隨即送上熱茶和一本硬皮餐簿。翻開內頁，食物分門別類，而且選項甚豐，有沙律、小食、雜錦刺身、壽司、火炙壽司、手卷、卷物、串燒、燒物、炸物、煮物、石燒、鍋物、飯麵、湯類及甜品等。由於這晚天氣有點冷，所以經商量後，大家決定以熱食為主。先嚟幾款串燒打開胃口，分別點了帶子燒串 ($105)、鹽燒雞翼 ($60) 同鹽燒牛舌串 ($85)。帶子夠曬肥美，大大粒，啖啖肉，入口爽嫩鮮甜，不俗。雞翼燒得剛好，肉質軟熟，邊位很脆口，而且皮層油份溶化滲入肉
之前喺中環上班嘅時候，曾經同同事去過上環文咸東街柏廷坊 3 樓嘅法國餐廳「La Parole」食 team lunch。後來從媒體得知，「La Parole」同樓上 7 樓嘅高級日本餐廳「尚善」屬同一集團，均是社會企業。據知兩間餐廳都會將收入扣除成本開支後，全數撥款營運註冊非牟利機構 – 庭恩兒童中心，幫助來自低收入家庭，患有語言障礙的小朋友，實在非常難得。
友人向來鍾情日本菜，趁這晚相約一聚，所以就提議來「尚善」試下。店內環境唔錯，地方頗大，空間闊落，裝潢簡約雅緻，以木質為主調，牆身掛有和服同日式壁畫，配以吧檯頂頭嘅清酒瓶作點綴，散發日系風情。
安坐後，店員隨即送上熱茶和一本硬皮餐簿。翻開內頁，食物分門別類，而且選項甚豐，有沙律、小食、雜錦刺身、壽司、火炙壽司、手卷、卷物、串燒、燒物、炸物、煮物、石燒、鍋物、飯麵、湯類及甜品等。
由於這晚天氣有點冷，所以經商量後，大家決定以熱食為主。先嚟幾款串燒打開胃口，分別點了帶子燒串 ($105)、鹽燒雞翼 ($60) 同鹽燒牛舌串 ($85)。帶子夠曬肥美，大大粒，啖啖肉，入口爽嫩鮮甜，不俗。雞翼燒得剛好，肉質軟熟，邊位很脆口，而且皮層油份溶化滲入肉中，吃起來零舍惹味。牛舌爽口彈牙，有嚼感，外香內嫩，以七味粉調味，入口不死鹹，亦屬推介之選。
接著來一客銀鱈魚西京燒 ($280)，廚師好有心思，擺碟一絲不苟，銀鱈魚上碟後先伴以荔枝同香橙肉，再綴上菊花，賣相精緻。挾起一嘗，魚身油分頗多，吃起來香軟滑嫩，舌頭盡是油潤的感覺，魚香極濃，加上鱈魚的外皮，入口微焦，香得來又不會太燶，實在令人意猶未盡。 
緊接出場嘅軟殼蟹天婦羅 ($118) 亦做得很有水準，炸粉比例控制得不錯，粉漿夠曬薄，而且炸得金黃香脆，食落完全不覺油膩，配上白蘿蔔蓉，特別滋味，用來佐酒一流。
食完咁多燒物同炸物，當然要吃點菜蔬來平衡一下。沒想到原來這碟炒野菜 ($88)，分量都幾大，而且成品除咗有一大堆不同嘅菇同椰菜外，面頭仲鋪滿木魚絲，充滿動感。菇菌非常粗壯，鮮嫩爽甜，木魚加埋菜蔬一齊食，十分惹味。
最後以牛肉稻庭烏冬 ($138) 作結，烏冬同樣分量十足，大大碗，非常足料，而且廚師很細心，上桌前已經將烏冬分成兩份，方便客人享用。日本肥牛簡單地灼熟，湯頭清澈，喝一口，有濃郁牛肉味。再捲起烏冬入口，幼滑的烏冬隨即滑入喉頭，細嚼下更可嘗到點點麵粉香和韌性，質素令人滿意，吃罷既豐富又飽足。
张贴
