榮華南洋冰室

营业中

休息中

之前放假嘅时候间唔中都会黎呢区行吓，贪呢度够正冇乜车，人都唔多，可以放慢咁行吓啲细舖头。附近嘅餐厅主要都系西餐价钱比较贵，又或者系一啲Cafe。呢条街头有一间比较旧式嘅坐街边嘅茶档，感觉系有风味嘅，但系夏天坐户外真系顶唔顺。。。见到呢间食东南亚嘢嘅餐厅仔，设计己有风味，望入去见到仲有狗仔同主人一齐用餐添！狗仔系坐喺度冇得食嘢嘅。价钱都唔贵，系一般茶餐厅嘅价钱。泰式猪扒咖喱饭，泰国风味唔系香港港式嘅嘢萤光咖喱汁，唔辣嘅最好食，少少椰汁感觉，轻轻嘅。咖喱入边有我最钟意嘅炸过嘅薯仔粒粒，配咗自家制？酸瓜，清新！猪扒好多旧，劲大碟，直头碟头饭咁多冬阴功汤金边粉配黄姜鸡扒。系连埋个煲底上，冬阴功唔辣。虽然我可以食到冬阴功嘅辣但系唔辣都有另一种风味;不失冬阴功嘅香气同酸，只系减少左辣嘅味道。餐厅细细，都几好坐，有种小社区嘅感觉。