影片
更多
2019-07-21
68 浏览
懒人包：份量大、落足料、好食。▼▼▼详情▼▼▼今晚同朋友来到山林道揾食，试下呢间社企餐厅。值得欣赏嘅地方系店员非常努力工作，亦有提供简单手语教学，落单至到埋单离开都俾到好温馨嘅感觉，社会上应该要多啲互相支持。前菜系蒜蓉法包（4块）加餐汤。块包脆卜卜，暖暖地嘅；汤就系厨师精选餐汤，次次都唔同款嘅，我地今晚饮嘅系蕃茄忌廉汤。我就钟意一啖包一啖汤，个汤卖相好靓，拉晒花咁，影相放ig都好吸引。而且用料都好足，每一啖都好有质感，绝对唔系加水呃你秤。沙津有3拣1，我地叫左个 巴马火腿田园沙律。巴马火腿有夹埋蜜瓜，一啲都唔怕过咸，好好食；个酱系用无花果黑醋汁，食落开胃啲，沙津菜都唔苦，大大碟，好健康。朋友叫嘅沙津我觉得仲好食：烟三文鱼田园沙律，佢配柚子沙律汁，2粒烟三文鱼都圈得非常大旧。 拆开来睇，佢系3-4块三文鱼一齐圈做一旧，而且每块都有厚度，即时觉得好抵食。主菜方面，朋友嘅 安格斯牛肉芝士汉堡，叫左5成熟，牛肉系非常大旧，成个汉堡其实都非常大份！牛肉煮到淋淋地，仲有啲肉汁流出来，夹埋芝士一齐食好正。 伴碟既薯条都多，值得推介！我就要左碟 去骨鸡脾肉螺丝粉，个芝士忌廉汁非常好味，好creamy
▼▼▼详情▼▼▼
今晚同朋友来到山林道揾食，试下呢间社企餐厅。值得欣赏嘅地方系店员非常努力工作，亦有提供简单手语教学，落单至到埋单离开都俾到好温馨嘅感觉，社会上应该要多啲互相支持。
前菜系蒜蓉法包（4块）加餐汤。
块包脆卜卜，暖暖地嘅；汤就系厨师精选餐汤，次次都唔同款嘅，我地今晚饮嘅系蕃茄忌廉汤。我就钟意一啖包一啖汤，个汤卖相好靓，拉晒花咁，影相放ig都好吸引。
而且用料都好足，每一啖都好有质感，绝对唔系加水呃你秤。
蒜蓉法包加餐汤
0 浏览
1 赞好
0 留言
沙津有3拣1，我地叫左个 巴马火腿田园沙律。巴马火腿有夹埋蜜瓜，一啲都唔怕过咸，好好食；个酱系用无花果黑醋汁，食落开胃啲，沙津菜都唔苦，大大碟，好健康。
巴马火腿田园沙律
0 浏览
0 赞好
0 留言
朋友叫嘅沙津我觉得仲好食：烟三文鱼田园沙律，佢配柚子沙律汁，2粒烟三文鱼都圈得非常大旧。 拆开来睇，佢系3-4块三文鱼一齐圈做一旧，而且每块都有厚度，即时觉得好抵食。
烟三文鱼田园沙律
11 浏览
1 赞好
0 留言
主菜方面，朋友嘅 安格斯牛肉芝士汉堡，叫左5成熟，牛肉系非常大旧，成个汉堡其实都非常大份！牛肉煮到淋淋地，仲有啲肉汁流出来，夹埋芝士一齐食好正。 伴碟既薯条都多，值得推介！
安格斯牛肉芝士汉堡
0 浏览
1 赞好
0 留言
我就要左碟 去骨鸡脾肉螺丝粉，个芝士忌廉汁非常好味，好creamy 好heavy，所以我食左2块鸡脾肉同几啖螺丝粉就饱得济食唔落了。😂 鸡肉好嫩滑，好食。
为左唔好浪费食物，问左店员要盒装起。佢地都好环保，用纸盒装既，入面有层蜡蜡地既面唔怕漏。拎到返去屋企人食过都赞个忌廉汁好味。
本身唔知碟碟都咁大份，所以另外叫多左个黑松露芝士薯条，黑松露同芝士都落左唔少，成只碟都堆满晒薯条，焗到热辣辣有少少㶶边，非常好食，如果一班朋友来食饭的话我非常推荐呢一碟。
黑松露芝士薯条
0 浏览
1 赞好
0 留言
我地2个坐左好耐吹水，落埋饮品：热柠茶同热柠水，慢慢都清晒堆薯条。
甜品方面今晚唔好彩，冇得试佢地嘅士多啤梨泡芙山（原本见openrice其他食评影得好吸引😭），于是叫左2碟朱古力Brownie。卖相靓，只碟都系冻嘅，朱古力几浓厚，可以做到一口吃。
朱古力Brownie
0 浏览
0 赞好
0 留言
整体而言，食物质素好好，服务好好。
张贴
