Riso Café (已結業)

无意中发现呢间小店, 入面有我钟意食的意大利饭及意粉, 价钱竟然祇是3x-4x之间, 抱住不防一试的心态同男友试了一个南瓜汁烧鸡意大利饭餐, 另外一个忌廉汁阔面, 有几种唔同的餐选择, 有主菜加餐饮, 另外有主菜加餐饮加小食再加甜品, 我们要了一个ab餐及一个abcd餐, 两个餐饮都要芒果汁饮品, 一个南瓜汤, 甜品要了蛋糕, 另外加钱要了一个蒜茸包.呢间店似快餐形式, 客人可以入坐后慢慢选好食物跟住去收银处俾钱落单, 会有个号码牌俾你返位等, 侍应会跟据号码牌把食物送到枱.南瓜汁好快就热辣辣上枱, 但味道怪怪地, 唔同于自己煲的, 但怪系边我又讲唔出, 但又不至于差, 蒜茸包够热够香, 加几元抵食, 至于主菜, 不论卖相及味道, 意大利饭明显比面类出色, 南瓜汁烧鸡意大利饭好好味, 入面还加上我钟意的粟米粒, 感觉较清新及健康, 但个阔面唔够入味, 面质好粉好厚, 好似系倒的汁落的煮滚的面上, 完全系汁归汁面归面.结论: 一百元左右可以食到以上咁多食物, 我好满意, 有机会一定会再来, 但相信我祇会order饭类.