義香荳腐食品

营业中

休息中

今日第一次去帮衬～初初入去净系觉得啲阿姐大大声冇乜特别～走𠮶时睇佢墙上边$15一碗谂住俾$40找续之后发现原来只需要$20都算~叫我求其发放低～之后佢整豆腐𠮶个银色大夹跌咗落地下条路正中间～我好心同个阿叔讲声佢就不断催我你行啦我会执啦～但系我系拖住一个四岁小朋友（可能佢想我推我个女行啦）～仲要个夹跌正喺中间又唔去执污糟邋遢～我都冇话𠮶只大银色夹阻住我行，佢就声大夹恶叫我行快啲我识去执啦～好心提佢条肥阿叔走去话我～我谂如果冇小朋友喺度，我应该同佢开火～虽然赚得𠮶10零$20食物钱～都唔会谂住佢哋班阿叔阿姐有咩好服务，但系最基本人与人之间嘅尊重应该要有啰~所以你哋班人快啲早唞啦～做到咁厌世～放过自己放过人啦!赚钱赚得咁唔开心~咁多年老字号又点？影衰晒自己屋企人嘅心血。平又点？平俾啲街坊但系就要受你哋气？