影片
更多
2015-12-07
2098 浏览
同啲死佬，个个都喺大胃王，食嘢唔见底，所以早前嘅死佬饭局打边炉就梗喺拣啲任点任食嘅火锅店啦。不过，同表姐、表姨甥女去打边炉，就会拣得食精一啲嘅火锅店喇。「龙阁」跟一般大众火锅店唔同，装修华丽好多，无论卡位或圆枱，都令人坐得舒服。而且，斯文客又较多，所以，环境唔会好嘈炒 。服务亦都好好，店员颇有礼，就连传菜嘅阿姐每送上一碟火锅料都加句多谢，唔喺间间酒楼啲阿姐都有咁嘅礼貌 。几位家人都唔喺大食之人，所以，点嘅份量就唔敢预太多，免得浪费就唔多好。一大张点菜纸，分门别类，基本上嚟嚟去去都喺𠮶啲，款式无话太多花巧嘢，但就有啲店方或原创推介。虽然佢哋有啲前菜小食，不过，我哋悭番啲集中火力食火锅嘢。锅底未到，先嚟酱料盆，让客人自行混酱。9款配料分别有：葱花、生蒜、芫茜、金蒜、辣椒、姜蓉、XO酱、虾米酱同麻酱，以及豉油，试过佢啲自家制XO酱，又几好食㖞。顺带一提，酱料费收$20，要唔要都收，就梗喺点都捞番兜啦 ；晚市小菜茶位收$12，不过，打边炉就唔计，可能预你会叫嘢饮，𠮶度赚番你，当然加一服务费就走唔甩。 菜干猪肺汤 $148 锅底共有7款，都较正路，唔会古灵精怪嘅汤底，家人想润润，所以，
「龙阁」跟一般大众火锅店唔同，装修华丽好多，无论卡位或圆枱，都令人坐得舒服。而且，斯文客又较多，所以，环境唔会好嘈炒 。服务亦都好好，店员颇有礼，就连传菜嘅阿姐每送上一碟火锅料都加句多谢，唔喺间间酒楼啲阿姐都有咁嘅礼貌 。
几位家人都唔喺大食之人，所以，点嘅份量就唔敢预太多，免得浪费就唔多好。一大张点菜纸，分门别类，基本上嚟嚟去去都喺𠮶啲，款式无话太多花巧嘢，但就有啲店方或原创推介。虽然佢哋有啲前菜小食，不过，我哋悭番啲集中火力食火锅嘢。
锅底未到，先嚟酱料盆，让客人自行混酱。9款配料分别有：葱花、生蒜、芫茜、金蒜、辣椒、姜蓉、XO酱、虾米酱同麻酱，以及豉油，试过佢啲自家制XO酱，又几好食㖞。顺带一提，酱料费收$20，要唔要都收，就梗喺点都捞番兜啦 ；晚市小菜茶位收$12，不过，打边炉就唔计，可能预你会叫嘢饮，𠮶度赚番你，当然加一服务费就走唔甩。
菜干猪肺汤 $148 锅底共有7款，都较正路，唔会古灵精怪嘅汤底，家人想润润，所以，菜干猪肺最啱大家。菜干喺甜菜干，味道较甜，但嫌佢落得少，唔太有朕菜干味，猪肺虽然有唔少，食落无膻味或猪燥味，只喺入口偏韧 。然而，之后加汤，都喺一樽樽嘅鸡汤，唔喺加水咁低档次 。
菜干猪肺汤
$148
25 浏览
1 赞好
0 留言
特级手切肥牛 $248 打边炉又点可以无肥牛，几款牛肉类中，拣咗中价少少嘅手切肥牛，睇落质素相当唔错，色泽红润，厚薄、大小均一，而且，雪花纹分布平均，灼十秒八秒都可以放入口，肉嫩油香，又有肉味，果然高质素。
特级手切肥牛
$248
49 浏览
1 赞好
0 留言
虾籽海参饺 $88 一客有8大粒，喺自家原创出品，其实，揾海参做饺都已经几有卖点。由于包得几大只，馅料又多，所以比平时要烚耐少少，否则会煮唔透，我哋就喺咁牺牲咗第一粒。饺内虾肉几爽弹，满布咸鲜嘅虾籽，但海参唔多，所以，口感上唔会太明显。
虾籽海参饺
$88
12 浏览
1 赞好
0 留言
鲜打黑白墨鱼丸 $98 店内好多鲜打丸类选择，我哋一口气拣咗两款，先嚟个「黑白无常」，同样一客8粒，粒粒闪𫞠𫞠。墨鱼丸不愧新鲜手打，好爽口，墨鱼味浓郁，不过，加咗墨汁嘅「黑丸」味道有点怪，唔知喺咪墨汁影响个新鲜度。
鲜打黑白墨鱼丸
$98
19 浏览
1 赞好
0 留言
粒粒鲜黑四宝丸 $98 顾及唔食高胆固醇墨鱼丸嘅亲友，依位四宝丸就啱佢多啲。四宝包括牛肉、鲮鱼、虾丸、墨鱼丸。佢哋一致公认最好喺牛肉丸，既爽口，又有陈皮香，好食到不得了，至于其他几款，喺稳稳阵阵。
粒粒鲜黑四宝丸
$98
33 浏览
1 赞好
0 留言
海鲜类当然唔会平，所以，只拣带子及花枝两款，啲带子新鲜嫩滑，轻灼过后，入口非常鲜甜。
带子片
$108
26 浏览
1 赞好
0 留言
白雪雪嘅花枝片，同样，唔使灼太耐，一卷曲就差唔多，食落好软腍，带少少爽口感。
花枝片
$98
33 浏览
1 赞好
0 留言
既可当酥炸小食，入口非常脆，又唔油腻；又可灼一灼，等佢吸啲沙汁，令食落仲有脆口感之余，又有汤汁鲜香味。
鲜炸鱼皮
$48
28 浏览
1 赞好
0 留言
店员话喺自家炸，所以，更落足力试吓先。响铃炸得金黄而层次分明，放晌汤中灼几秒，再入口，外层吸满汁，内层仲有香脆嘅口感，唯入口有少少油腻感。
鲜炸响铃卷
$48
29 浏览
1 赞好
0 留言
野人爆篮 $88 即喺菜篮一盆，有生菜、白菜仔及南瓜，排列整齐放晌玻璃碗内，质素够新鲜，不过就有点贵咯！
野人爆篮
$88
27 浏览
1 赞好
0 留言
忌廉香芒卷 $28 / 4 虽然个糯米皮做得有丁点韧，今夹埋卷心嘅奶冻（初时仲以为喺忌廉）及芒果粒，又几唔错㖞，尤其打完边炉，食件凉凉哋嘅甜品，感觉良好。
忌廉香芒卷
$28
34 浏览
1 赞好
0 留言
比芒果卷，依个红豆糕仲平仲好食，三层夹杂红豆糕、椰汁糕、桂花糕，层层做得唔错，又足料，所以，真喺平靓正，抵食 ！
桂花水晶红豆糕
$19
78 浏览
1 赞好
0 留言
红枣糕喺热食，即叫即蒸，所以，好迟先上到枱。一客3件，件件都几大粒，外观睇到糕身暗间一层层，一啲唔迤做。虽然红枣味唔算好强，但热辣软绵，入口烟烟糯糯，一啲都唔差㖞。
原味红枣糕
$19
30 浏览
1 赞好
0 留言
餐厅嘅用料确实够精，就如丸类，唔会买啲普普通通嘅乜丸物丸，不过，定价确实唔低，新张期内9:00pm后有半价 ，怪不得第二轮都仲有咁多客。所以，想嚟试，不妨考虑依个优惠，但先打电话再问问，以妨优惠已完结。
张贴
