德發小廚 (已結業)

上星期约靓女同僚提早食团年饭，到咗深水埗拿出地址按图索骥找寻开饭各食家都介绍的德发小厨，两人傻吓傻吓系北河街市附近打咗两个转先揾到，见到德发门口有位男士招呼紧客人应该系老板，佢见到我哋生客亦好好招呼，难得亦好殷勤介绍菜式同甜品。原先叫虾两味，但系老板话虾太多两个人系食唔晒，咁净要咗黄金虾同老板极力推介嘅大富大贵，好！就到新年啦，大家都要大富大贵。结果只要咗两个𩠌，留返个肚嚟装甜品同两大瓶酒。黄金虾外壳香脆同虾肉好爽，卖相都好靓仔。大富大贵嘅桂花鱼起肉用金针云耳蒸得好滑同有鲜味。甜品要咗心太软同椰丝奶冻，两人同一感觉都话椰丝奶冻正过心太软。两人最后要饮清两大瓶啤酒同红酒，来祝贺新一年大家都心想事成，健康快乐！