Cafe Charm's (已結業)

上次嚟Cafe Charm's 遇到不愉快事件，后来有网友通知我，话cafe charm's 想请我返去食多次作「补偿」，于是我今日再去食，叫番上次叫的「花漾。迷人窝夫」，事实上今次真系好食好多，不过本人觉得一底窝夫配一球雪糕真系有啲少，哈哈！系呀，佢系两球雪糕呀！不过真系唔好意思，佢既一球雪糕既size系等于正常既一半，所以两球雪糕加埋只不过等于正常的一球（优点咪就系食多个味啰）我边食边谂，点解上次会咁难食呢？点知....二话不说，听到隔离枱叫：「唔该，可唔可以换咗碟意粉呀！好咸呀！好似落咗四羹盐咁。」如果一间餐厅既食物质素咁飘忽，我都唔会推荐俾任何人，或者我会讲明去cafe charm's 食嘢要胆博胆，预定只有50%放得入囗！到最后埋单，佢话俾个九折我作为小小心意，哈哈！原来我误会咗叫我返去食多次作「补偿」，个「补偿」原来系解九折。唔知点解呢？我有多一次被骗既感觉！