漁屋日本料理 (海寶花園) (已結業)

夜晚约咗一班好耐冇见嘅friend去食饭，谂极都谂唔到食乜，咁不如去食放题啦，乜都有得食坐入去先慢慢拣想食乜都得，够晒自由啦。渔屋算系一间食物质素非常好嘅日式放题餐厅，啲刺身都相当新鲜，食物嘅种类又真系非常多。不过食得放题个重点就梗系刺身啦。佢啲三文鱼，甜虾，油甘鱼都系我嘅至爱，特别要提下嘅系啲甜虾，真系好大只架。但系呢佢啲吞拿鱼就麻麻哋啦。其实呢佢仲有啲熟食嘅，例如烧鳗鱼同一口牛，呢啲都好好食架。而且，佢哋仲有Movenpick雪糕食，所以真系非常唔错。但系，服务方面，佢地要用饭团apps黎order食物，又要专登download个apps先可以点食物，如果佢地可以畀返order纸客人用，有多一种点餐方法就更好啦。