龍點心 (軒尼詩道)

营业中

休息中

不嬲钟意食烧卖，行街经过呢间餐厅见到竟然有唔同口味嘅烧卖，咁啱又未食嘢一于想去试一试。上到去见到餐厅环境好特别，好适合游客打卡，不过我最期待都系呢个烧卖拼盘，冇令我失望，六款唔同嘅烧卖粒粒都好弹牙，而且入边仲会爆汁，我就最钟意罗宋汤烧卖，酸酸地入边有辣辣地，非常开胃，小朋友最爱芝士烧卖，抢着嚟食一啖都唔分俾我就知几好味。另外重叫左几款点心，上菜嘅时候都非常精美，而且全部新鲜制造，热辣辣好好味。要饱肚点都要食啲淀粉质落肚，整咗叉烧肠，叉烧肠厚切大大嚿，肠粉好滑，点埋咸咸甜甜嘅豉油，蒸饭系另一饱肚之选，润肠腊肠蒸鸡饭，好香。好好味，最钟意佢嘅饭，食到粒粒分明，配埋豉油腊肠一齐食，超级惹味，而且好饱肚。