影片
更多
2019-09-06
298 浏览
知道之前系日本好受欢迎又拎过奖嘅天丼—金子半之助嚟咗香港，咁啱同朋友行完葵涌广场就去试食一下啦，估唔到呢一次试食，我献出咗我写食评嘅第一次畀佢，因为果份难忘，实在好刻骨铭心其实一行到门口闻到可说系剧烈嘅麻油味，我真心已经有啲想缩沙，但畀我朋友捉住话点都要试试....我咪硬住头皮试啰！足足等咗个半钟先入到去，果刻真系有啲晕，因为果股麻油味极重，仲要条队转来又转去，头都晕埋🤦🏼♀️几经辛苦去到门口，之前排队都见侍应笑晒咁、客人又预先拎住餐牌，谂住Service 都还好，可能我唔够靓啦😭轮到我个侍应只系望一望我，无行动过😔就连入到去都要两个人分一本Menu，嗯，都知道你哋做得辛苦啦，好啦🙃咁我同朋友一人叫咗个天丼，其实我唔太记得个名，只知道我果碗系有个叫「舞菇」、朋友就叫咗个鳗鱼嘅。其实由七点几等到九点先有得入已经好饿，结果叫完差不多成25分钟后先有得食，妈啊😭😭我唔系想食宵夜啊😭😭好，要知道一个饥饿嘅人正常食咩都觉得好味㗎啦！但果刻我有怀疑系我太清醒，或者我唔系正常人，当我碗天丼嚟到，我望到上面嘅天妇罗「其油无比」，心已打个突：「唔会全部都系麻油味」卦！哗，之所以我打呢个标题，全因为佢入口
知道之前系日本好受欢迎又拎过奖嘅天丼—金子半之助嚟咗香港，咁啱同朋友行完葵涌广场就去试食一下啦，估唔到呢一次试食，我献出咗我写食评嘅第一次畀佢，因为果份难忘，实在好刻骨铭心
其实一行到门口闻到可说系剧烈嘅麻油味，我真心已经有啲想缩沙，但畀我朋友捉住话点都要试试....我咪硬住头皮试啰！足足等咗个半钟先入到去，果刻真系有啲晕，因为果股麻油味极重，仲要条队转来又转去，头都晕埋🤦🏼♀️
几经辛苦去到门口，之前排队都见侍应笑晒咁、客人又预先拎住餐牌，谂住Service 都还好，可能我唔够靓啦😭轮到我个侍应只系望一望我，无行动过😔就连入到去都要两个人分一本Menu，嗯，都知道你哋做得辛苦啦，好啦🙃
咁我同朋友一人叫咗个天丼，其实我唔太记得个名，只知道我果碗系有个叫「舞菇」、朋友就叫咗个鳗鱼嘅。其实由七点几等到九点先有得入已经好饿，结果叫完差不多成25分钟后先有得食，妈啊😭😭我唔系想食宵夜啊😭😭
好，要知道一个饥饿嘅人正常食咩都觉得好味㗎啦！但果刻我有怀疑系我太清醒，或者我唔系正常人，当我碗天丼嚟到，我望到上面嘅天妇罗「其油无比」，心已打个突：「唔会全部都系麻油味」卦！哗，之所以我打呢个标题，全因为佢入口果下，系可以‼️无味⁉️㗎！点解可以咁神奇！到底门口强烈嘅麻油味由边度传出嚟！咁都唔紧要，由于本人堪称系「虾怪」，细细个就会食一斤虾，「食虾无数」真系自夸专家都不失为过，而呢一口，呢只虾竟然系霉🤮🤮🤮🤮🤮🤮🤮🤮仲要块炸皮厚到顶点🙈虾霉又细只，当下我秒速放弃就算，结果我要「去皮」先食得到一半碗天丼，如果咁都拎到日本天丼奖，原谅我不知什么是天丼了。真心要多谢佢令我愿意踏出第一步，因为我唔想再有下一个受害者😭😭😭
张贴
