麗姐廚房

营业中

休息中

N 个月前睇空肚讲宵夜见梁祖尧介绍呢间餐厅嘅芝蔴糕。专登外卖咗一次食，觉得好正，劲足料。近日叫咗个朋友去试食，佢返黎竟然话佢两个大人一个细路食咗7个𩠌，因为好好味，连个细路都话觉得超好味。即刻走去试。星期四晚黎都竟然都好多人，到差唔多八点几乎冇位。咕噜肉：好癫。一咬落去个质感劲似肥猪肉，但食落佢又有一丝丝嘅质感，个汁偏稀但甜酸度刚好。双拼饺：皮薄馅靓！皮似云吞加饺子皮。梅菜饺感觉较斋，但胜在够晒多馅。流沙饺系蕃茄薯仔饺，都几有趣，但未去到想encore.金菇百合浸菜心：本人一向麻麻哋菜心，但朋友话呢度个菜心好神奇，可以炒到好似芥兰咁爽。唔太信之下叫个浸嘅。点知真系好好味，完全唔明点解平时出面啲菜心唔系咁嘅！！连埋啲金菇百合杞子好好味，啲杞子劲甜，百合完全唔苦，金菇完全唔韧。由于最后食唔晒，呢碟嘢我第日微波炉叮黎食都系咁好味！完全唔明点做到！好神奇！台湾炒米粉：超好味。唔油，干爽，咸度刚好。假叉烧同火腿个质素都似真肉。另外外卖咗三盒芝蔴糕。总结：绝对会返黎。下次要揾多啲人黎食，再试多啲嘢。