神山麺屋 (新聲大廈) (已結業)

Dinner @ 11 Jan 2023 (Wed)虽然知道神山面屋系来自东京既过江龙, 最最最出名系食沾汁面, 但由于小编同友人已经试过沾汁面并且觉得好好食既前题下, 闲日一收工衬唔洗排队就去神山面屋度试下沾汁面以外既主食。黑神山豚角拉面: 黑神山即是黑蒜豚骨汤底, 唔知系咪因为神山面屋专门做沾汁面既关系, 拉面既汤底都好浓厚, 比较稠身, 黑蒜味好香, 令人谂起黑蒜麻油味出X一丁, 不过系浓厚版。面条同沾汁面既坑纹面条唔同, 系普通、无坑纹既拉面, 食落都几爽口。黑神山拉面系有惊喜。汤咖喱豚角定食: 定食包含前菜、沙律同面豉汤, 仲有主角汤咖喱豚角同日本米, 前菜、沙律、面豉汤表现正常, 汤咖喱来自北海道札幌, 虽然严格黎讲系一款汤品, 唔会好似日式咖喱既质地咁浓厚, 只系就算质地唔杰身, 但对味道而言确实有啲稀, 略为失望。总括而言, 神山面屋入面比较推荐既都系沾汁面同拉面, 定食的话唔需要系神山面屋度试, 会感到失望的。