影片
更多
2011-07-28
129 浏览
约咗好耐，改期又改期嘅一餐旧同事饭局，仲要少吓一个，少吓又一个临时话唔嚟，无奈，但其他肯出嚟都系有心人，所以饭局照搞。最后只得5个人，都系大枱变细枱，叫少啲𩠌啫，最紧要系大家咁耐无聚，聚一聚讲吓近况维系份友情。就大家方便，拣咗好彩集团旗下嘅彩云轩，虽然好彩都搞咗几十年，但感觉都系比较屋村啲，依家多咗几间彩云轩、彩晶轩，路线走高档咗少少，旧铺又翻新吓，睇吓佢嘅水准系点！先讲环境，一字长厅，空间感几好，不过，排枱太密，完全背对背、枱贴枱咁滞，感觉唔系太舒服。幸好，依晚都系七乘几满，未至于周围都系人，倾偈都唔使放尽喉咙。服务方面，人手足，叫菜落单斟茶上菜都有服务员快手快脚搞掂。讲到食物，我哋叫咗1个小食、1份烧味拼盘、2个热盘、半份云吞鸡，连埋茶芥加一都系$530，尖咀区嚟讲都好合理！麻辣牛肚牛肚睇样唔似系柱侯又唔似系卤水，本身味淡，但食落又几爽弹㖞，而面面放咗自家制麻辣酱，果然又麻又辣，小弟唔食辣，真系一件起，两件止喇。烧味拼盘有叉烧、烧鸭、豉油鸡同海蜇，OK啦，无惊喜亦唔差咁啰。榄菜肉崧炒藕片感觉炒得有啲唔够火候，即系唔系好够镬气。藕片虽然都算爽脆，但唔够味，榄菜色泽比较白，因为一向见到
先讲环境，一字长厅，空间感几好，不过，排枱太密，完全背对背、枱贴枱咁滞，感觉唔系太舒服。幸好，依晚都系七乘几满，未至于周围都系人，倾偈都唔使放尽喉咙。服务方面，人手足，叫菜落单斟茶上菜都有服务员快手快脚搞掂。讲到食物，我哋叫咗1个小食、1份烧味拼盘、2个热盘、半份云吞鸡，连埋茶芥加一都系$530，尖咀区嚟讲都好合理！麻辣牛肚
牛肚睇样唔似系柱侯又唔似系卤水，本身味淡，但食落又几爽弹㖞，而面面放咗自家制麻辣酱，果然又麻又辣，小弟唔食辣，真系一件起，两件止喇。
烧味拼盘有叉烧、烧鸭、豉油鸡同海蜇，OK啦，无惊喜亦唔差咁啰。
榄菜肉崧炒藕片感觉炒得有啲唔够火候，即系唔系好够镬气。藕片虽然都算爽脆，但唔够味，榄菜色泽比较白，因为一向见到嘅榄菜都好深色吓，而且，味亦较淡，落得份量又少，所以整体碟菜都无乜味。
葡汁海鲜焗南瓜以葡汁做个海鲜，海鲜唔系用咩贵嘢，都系青衣柳、虾、蟹柳、鱿鱼……等等，材料本身就唔系太期望。葡汁推得几香，香料同椰奶味并重，互相都唔太抢。反而个南瓜一般，睇样个南瓜已经透透哋身，瓜味唔浓，所以我哋都无乜刮啲瓜肉出嚟食。
砂锅云吞鸡半份全晚最有睇头嘅𩠌菜，我都几钟意叫依道菜，因为又有汤饮，又有云吞同鸡食，平时其他汤水都好少食埋啲渣。汤头几鲜甜，鲜鸡足半只，食落又唔嚡，云吞虽则大粒，但味道就普通咗，猪肉占多汤里仲有黄芽白。
柑？食晚饭送生果盘，时下好多中菜馆都有，不过，搞嘢在佢哋送上大柑5个，刚啱5个，仲要摆到品神咁嘅样，我哋百无禁忌，所以都无所谓，如果有老人家晌度，实闹鬼死呀。
张贴
