神石燒 (八號花園) (已結業)

呢个传统石烧既方法系先预热块板，再放上牛肉系板上面再出餐，上枱果阵已经1-2成熟，之后就可以再慢慢烧。今次试佐两款牛肉，一款系$129有200g既美国黑安格斯牛膈肌， 原来系牛既横膈膜，真系店员介绍先知呀，腍身得黎又会有啲咬口，又有适量肥膏，充满牛脂香，黑安格斯仲要系级数又再好啲既牛肉，不得了呀🥰🥰另一款系$128既极上原条厚切牛舌芯，牛舌芯系牛舌最中心既位置，非常柔嫩，肉质好软腍，软绵绵得黎牛味又好重，烧到表面焦脆，非常惹味呀😚😚呢度既沙律都几好食，有晒成个沙律吧系度，中意食咩就夹咩，refill得够快，唔怕唔新鲜呀！