神石燒牛扒專門店 (碧街) (已結業)

今晚同男朋友撑枱脚，中意食烧肉既我地就简佐呢间试下，呢间铺头都有好多间分店，呢间系油麻地既都够晒就脚，十分好坐！我地叫佐一个二人餐：和牛海陆空盛合$538，真系咩都齐，有牛有猪有鸡有海鲜，够晒丰富！🐮牛薄切顶级牛舌同埋鹿儿岛A5和牛肉眼都有唔同口应，牛舌都柔软，薄切既牛舌质感都好好，牛舌完全唔会鞋飒飒，烧完软嫩可口；和牛就当然鲜嫩，肉眼位置更加腍身，又多肉汁，烧晒啲油花出黎，全部牛都牛味鲜浓，惹味甘腴！🦐海鲜虎虾同日式清酒煮蚬都好新鲜，虎虾好大只，两只开边虎虾，加上蒜蓉去烧，烧完啲蒜蓉香渗晒落虾入面，虾肉好弹牙，好嫩，好鲜味；另外啲蚬就够晒大只，蚬肉爽甜入味，清酒味浓郁，又鲜又甜又香！🐷猪日本北海道四元豚西冷系好靓既猪，猪既西冷位油花较多，脂肪比例高，但真系好浓香既猪肉味，又唔会骚臭，烧完脆脆地，肉又嫩！  🐔鸡日本鹿儿岛南国元气鸡肉片同样新鲜，鸡肉鲜嫩既颜色证明够晒新鲜，可以烧到鸡肉嫩滑，鸡皮焦脆，惹味到爆！