本店 (已結業)

同屋企人去咗将军澳食日本野💗呢间日本料理好别致，门面中里面装潢都以日本稻荷神社为设计主题，用木质素材打造成一间好有地道氛围嘅日式居酒屋～门口位置同餐厅里面有大大小小嘅稻荷神社使者～狐狸🦊嘅石像装饰～个样好似一只只招财猫💗好有日式feel 用餐区都好大，有部份卡位雅座设了半布廉，感觉舒服又有私密度～我哋点咗2人前晚市套餐（$ 368 /位），觉得食材够新鲜，整体都好丰富。🔶胡麻豆腐沙律非常清甜爽口的沙律🥗醒神开胃。每人一碗，份量都多。🔶厨师发板刺身拼盘当日我地嘅刺身拼盘有三文鱼丶吞拿鱼丶油甘鱼丶牡丹虾🦐 鲜味十足👍🏼够新鲜。🔶厨师发板串烧当日厨师为我地准备咗烧芦笋丶鸡肉串丶免治鸡肉棒丶烧大葱～4款都烧得好靓，非常惹味香口💗我最钟意免治鸡肉棒，肉汁丰富有咬口，带有酱油香。🔶杂锦天妇罗有虾丶南瓜丶番薯丶鸡肉丶冬菇丶茄子～炸得好酥脆，入口不腻。🔶蒲烧鳗鱼饭每人有一客～份量都多👍🏼鳗鱼肥美汁香🥳米饭粒粒分明，伴以蛋丝更有风味。🔶是日甜品～甜品都好唔错💗朱古力蛋糕配豆腐冰淇淋～蛋糕松软朱古力味浓👍🏼冰淇淋豆味相当浓郁👍🏼🔶饮品 （＄48）点左白桃乳酸梳打和柚子乳酸梳打💗入口香甜👍🏼清爽解腻。