影片
更多
2020-11-02
3122 浏览
星期日去IFC睇新iPhone，睇之前先食个午餐。依日想食拉面，于是喺Openrice揾下，仲见到订枱食「立体派」三点钟有8折，咁行个圈买张六合彩就够钟啦😚。餐厅位置有啲隐蔽，喺一幢大厦嘅地库，除非有细心留意或特登揾👀，否则好易行过Miss咗。佢喺士丹利街同威灵顿街中间嘅一条巷仔，下面上去呢就喺投注站旁，而上面落去呢就系喺越南粉隔离落楼梯，有个牌写住「私家重地，闲人免进」，记住唔好俾佢吓亲⚠️🤣。一入餐厅要先上几级楼梯，店员果然会问有无订位，估计好多人都系用App订台吧。由于过咗正常人食晏时间，所以唔驶排队直入✌🏻。餐厅有几款拉面汤底拣，口味几特别，另外仲有提供多款小食，价钱中等。餐牌清晰，🧾图片取代文字说明一切。呢度系店员帮忙落单，而唔系自己划纸。我哋叫咗两碗拉面、两款小食同饮品，全部都好好食😋，份量又够多，无得弹！两碗拉面并埋一齐比较之下，就睇到大碗拉面有几巨型。特级白汤拉面($118/大)，特级白汤有得拣大同小，大份量真系好大😱，个碗劲爆大只，拎起都重！拉面造型好吸引，先讲汤底，第一啖饮好似有啲咸，但再饮感觉就唔同咗，🐔鸡汤好惹味，我自己仲觉得好似有啲奶油香？我知道汤头系用上米鸭同
星期日去IFC睇新iPhone，睇之前先食个午餐。依日想食拉面，于是喺Openrice揾下，仲见到订枱食「立体派」三点钟有8折，咁行个圈买张六合彩就够钟啦😚。
餐厅位置有啲隐蔽，喺一幢大厦嘅地库，除非有细心留意或特登揾👀，否则好易行过Miss咗。佢喺士丹利街同威灵顿街中间嘅一条巷仔，下面上去呢就喺投注站旁，而上面落去呢就系喺越南粉隔离落楼梯，有个牌写住「私家重地，闲人免进」，记住唔好俾佢吓亲⚠️🤣。
一入餐厅要先上几级楼梯，店员果然会问有无订位，估计好多人都系用App订台吧。由于过咗正常人食晏时间，所以唔驶排队直入✌🏻。
餐厅有几款拉面汤底拣，口味几特别，另外仲有提供多款小食，价钱中等。餐牌清晰，🧾图片取代文字说明一切。呢度系店员帮忙落单，而唔系自己划纸。
我哋叫咗两碗拉面、两款小食同饮品，全部都好好食😋，份量又够多，无得弹！两碗拉面并埋一齐比较之下，就睇到大碗拉面有几巨型。
特级白汤拉面
$118
30 浏览
1 赞好
0 留言
白汤嘅𩠌料有几片超大块薄切慢煮叉烧🐷，叉烧好薄、师傅刀功好好，虽然口感差少少，但胜在面积够大搭救！另外，𩠌料仲有豆苗、笋干同溏心蛋。
🥚溏心蛋整得好出色，晶莹通透，蛋黄劲流心，蛋白就好绵好淋，好味道。
鲭鱼汤香菇野菜海虾拉面
$108
25 浏览
0 赞好
0 留言
汤底配以大量菇菇🍄、椰菜、芽菜、红椒丝、大葱丝同青葱粒，好丰富。菇类有冬菇、金菇同本菇等，唔食拉面就咁饮汤有啲似饮紧杂菌汤，我好钟意。
两碗拉面嘅面条系一样，我谂除咗有指定要求外，面条应该系预设咗粗幼同软硬度等选项吧。对我嚟讲无乜所谓，因为我无特别要求。🍜拉面面质弹牙，粗幼适中，挂汤效果几好。
随鲭鱼汤拉面附有三只海虾🦐，同拉面分开上的。我谂主要原因系海虾用酒浸住，免得互相影响味道。虾肉紧实，带有酒香，味道出众；饮啖鲭鱼汤，食啖虾，𠮶种口味嘅变化相映成趣。
虾肉系连壳上，餐厅好细心有提供🧤手套比客人剥虾，枱面又有湿纸巾，唔怕整污糟。
汁煮厚切叉烧
$48
22 浏览
0 赞好
0 留言
鲣鱼冻汤浸菠菜
$28
21 浏览
0 赞好
0 留言
饮品方面，我哋要咗枝绿茶同波子汽水🥤，各售$28，饮品就有啲贵，但其实枱面都有水可以任饮😉。题外话，男店员好好人，好好礼貌，佢落单时有问我哋使唔使开埋支波子汽水，但我哋自己想玩，点知又唔够力开...，店员见状即刻主动帮手，抵赞。
由于疫情关系，所有餐厅都会揾嘢分隔座位。呢度好有心机采用特制透明胶幕隔开👍，此举让食客安心之余，亦唔影响室内环境装修。
餐厅外墙嘅壁画好靓🎨，彷似3D立体画，门口有拉面师傅同一碗碗拉面。
总括嚟讲，立体派系一间非常出色嘅拉面店，各方面都令人满意💯。两碗拉面汤底各有特色，难以直接比较边款好食啲。食完之后我理解佢能够成为得奖拉面嘅原因！你睇我成碗汤饮哂就知啦😁。
张贴
