秘 (偉晴街)

营业中

休息中

一入去就闻到好香黑松露味，但怕黑松露会抢左牛味唔夹，所以冇试到，但系我后悔了，因为隔离台叫左真系好香，下次一定要试下。　板烧吉列牛本身食过几次都觉得一般，今次真系觉得神级好味！餐厅建议每面烧１５秒最好食，我本人唔食太生，每面都烧左一分钟都仲系好嫩口，好重牛味。加上吉列脆脆口感非常好，仲有一碟鳗鱼汁可以点，超够味。蒲烧原条鳗鱼饭鳗鱼饭除左原条系卖点外，价钱都系重点之一，好少见原条鳗鱼饭卖78蚊咁平，鳗鱼烧得香口，慢慢鱼油香。超正！两个饭都加左套餐，套餐有一只溏心蛋，一条可爱金鱼形象既大虾饺，饭上面都会加Ｄ脆紫菜。金鱼饺饺皮涷左变硬要尽快食，饺入面有大大粒虾好爽口。　脆虾波$48炸到脆卜卜，加上千岛酱。细细粒一口过。