翠園 (德福廣場) (已結業)

今次真系要多谢open rice!抽中左做神秘试食团，o系十月八日，黎德福翠园试食，呢间餐厅开左个几月，冇试过，今次系第一次黎。等齐人就开始试食啦。古法炒桂花翅，翅本来冇咩味，不过炒埋蟹肉、蛋等材料又几香，蟹肉很鲜味。竹笙瑶柱鲨鱼骨汤，汤煲左好耐，竹笙爽口，鲨鱼骨应该有很多骨胶原，唔会太浓味，唔错。腿茸酱炒原只鲍鱼，鲍鱼爽口，同蒸感觉既好唔同，配以黄、红椒炒。觉得鲍鱼都系蒸好食d。金瓜鼎湖上素，用南瓜装住菇同素，南瓜好茸，几好食，平时不太喜欢菇类，所以唔系我杯茶。忘记问师傅系唔系蒸熟南瓜...小葱鱼羊鲜，嗅到好大阵香草味，但食唔到鱼同羊既鲜味，被香草味盖过晒。糯米酿凤翼，全晚最喜爱既菜色。鸡翼炸得好香而且脆，酿了不少糯米。两者唔同口感，但非常配合。生煎菜肉包，包底部唔会煎到脆，包比较软熟，冇咩肉汁，比教普通。花雕蟹肉烩伊面，个卖相好靓，有蟹肉同蟹籽，但觉得个汁太"熙"燕窝麦皮布甸，有好大阵既杏仁味，平时对杏仁一般既我都觉得不错，燕窝好大旧。整餐都唔错，但乌蝇都想黎试食，不过呢d意外因素好难避免既!是晚年资最小既系我，有机会再参加open rice既聚会!