黑木 (已結業)

更期天气热到真系唔想食饭，日式串烧就系一个非常之好嘅选择。呢间餐厅十分之有神秘感，大家嚟到就会明我讲啲咩。讲返食物先，我哋一嚟就要咗胆固醇极高，但好好味嘅邪恶烧内脏。首先有鸡肝，鸡肝外层烧到焦香，里面系又嫩又粉的肝脏。虽然好似仲见到少少红色但完全冇血嘅腥味同内脏嘅怪味，轻轻加小小盐就已经好好食。讲到肝脏，除咗鸡肝之外点少得鹅肝呀！厚切嘅鹅肝经过煎之后，将多余嘅油份逼走，再放喺趣多士上面，加埋黑醋中和油腻感，简直系perfect match。下一个出场既内脏系牛舌，师傅将厚切牛舌烧到岩岩好，唔会外层过熟但中间太生，亦成功锁紧肉汁，好香好浓。食完咁多肉，系时候食翻d蔬菜balance下。串烧冬菇最怕烧到干争争，呢度仍然保持到juicy，师傅轻轻加左少少盐同木鱼丝，好食。最后要左份茶渍饭，可以选择紫菜，梅，或者明太子，我地就拣左紫菜。仲有配料牛膀丝同波菜。饭团轻轻烧过表面，配合茶同清汤，加埋少少wasabi，大满足。