永順食店 (已結業)

今日山长水远嚟到元朗国做嘢，唔系唔揾返啲好嘢食啊？网上睇到呢间永顺食店，有个神级沙爹牛面，即刻去试一试佢啦。😋😋点零钟去到门口开始有人排队，好彩只系排几个，大概10分钟到就入到去。一般茶记嘅装潢，沙爹牛面冇套餐，咁就散嗌啦加多只蛋食个丰富啲嘅午餐，再嚟一杯热奶茶。沙嗲牛面制作需时奶茶嚟咗先，平时最怕饮啲唔够热嘅奶茶/咖啡，呢度热奶茶用玻璃杯装，刚刚嚟到果下一拎争啲辣亲手啊🫣真系新鲜热辣👍🏻佢茶味几浓，有少少涩，奶味香得来唔会太厚，系我钟意嘅口味👍🏻好快手沙爹牛面都嚟到喇，热辣辣嘅面上面加咗只荷包蛋，卖相几吸引。既然系神级梗系即刻试吓佢个汤底啦，沙嗲味真系好浓好浓好浓啊！唔会好似食开𠮶啲沙爹牛面咁样得面头𠮶浸沙嗲汁，基本上成碗汤都充满浓郁嘅沙嗲酱，由头食到落尾都好有罪恶感🤣。香得来得佢味道属于偏甜，牛肉方面质地亦都几好，唔系俾松肉粉嗱到梅哂𠮶种，新鲜有咬口又唔会韧👍🏻面底我系叫咗蟹黄面，仲贵过出前一丁少少，食落其实就唔系话好大分别。比出前一丁软滑少少，无咁爽口，但就食到尾都唔会点发胀🥳呢餐我4.9分⭐️⭐️⭐️⭐️🌟所有嘢都好Perfect，不过真系几heavy，要做返一个钟运动先掂啰🫣🫣🫣