炊豕店 (曉悅) (已結業)

一间好评如潮嘅猪扒专门店，有时繁忙时间会出现人龙。喺佢哋嘅自我介绍里面亦都强调自己专注做好猪扒嘅目标，希望喺多变嘅世界中依然可以为食客带嚟一碗传统嘅猪扒饭。我本身就唔系咁特别钟意食猪，但系炊豕店嘅炸猪扒饭绝对有震撼到我！———————————-葱油猪扒饭加煎蛋 $64 + $8第一个惊喜，炸浆脆薄唔界口，唔似日式吉列猪扒咁硬，系柔软既，而且唔算太油，炸得好！ 第二个惊喜，猪扒既肉质好好！一般就算日式炸猪扒，有啲位可能会干、会柴，其实都好正常。但系炊猪店嘅炸猪扒，系成块都厚身多汁、好柔软，我最后忍唔住问店员猪肉既产地，点解咁好食，但系佢话唔知道😂可能系商业秘密。最后系葱油，香得来唔算太油，唔会话食到底成碗都系油，调味来讲算系好好，咁好味，卡路里高少少都抵。——————————一碗做到极致嘅炸猪扒饭，可以食得出餐厅对品质嘅追求，食物嘅用心，难得难得！直接完胜日本嘅炸猪扒饭！希望餐厅一直保持呢种品质！专注一点做到极致，就系专家！炊豕店既炸猪扒系我食过暂时最好食🔥人生必试！推荐！ 各分店都系星期日休息🚫想朝圣要注意‼️