龍城冰室

营业中

休息中

新开时排晒长龙，突然人影都冇就入去试下啦。果然系伏。6个人叫6个餐。样样都有惊喜。蜜糖芥末鸡扒来到是洋葱汁，德国肠泥到系厨师肠，还有一个朋友叫左个咩炒饭，食食下先知唔系叫呢个饭。笑死。问个阿姐，阿姐话卖晒转左。真系西利，卖晒转左就唔洗同人讲，比个惊喜你咁话。再问个汁同埋条肠，阿姐即闪。我地就只好拍掌赞阿姐劲。大家都明白点解冇晒人。最后饮品更厉害，全部都少甜走甜都变超甜，再大叫阿姐啦，阿姐醒呀，几大声都听唔到。有个阿姐好彩呀，经过更系捉住佢啦。佢就话甜好呀，甜先好饮呀，想冇咁甜又可以自己去加水调教，自助水机唔洗加钱呀。仲大杯啲。我都好想调教你呀。