炎舞家 (已結業)

天气咁冻最岩食烧肉热辣辣，去左太古城新开日式烧肉放题，好在我地book 6 点入座，大概7点第一轮就满晒座啦!今日我同屋企人拣咗 plan B 美国牛肉放题，其实plan A 都已经包含好多款好正既食材，不过见价钱又适中，就upgrade 下D肉啦! 餐厅老板同员工都亲切好好人， like左炎舞家嘅 IG 或 fb page加share，就会每人送一客三片嘅 A4 和牛，如果拣咗 plan C/D 嘅和牛放题，每两个人就会送韩式酱油蟹一只，好正! 我地自己比较钟意食牛同海鲜，食物全部都好高质呀! 不得不讃! 生蚝真系好大只好juicy又鲜甜，虎虾肉质超弹牙! 多款牛肉大大块薄切易烧，牛脂分布好靓又新鲜仲有好香浓既牛味，食完好想一点再点，好满足!! 几得意既系点餐个阵你已经可以选择唔同既调味，酱烧，盐烧，原味等，有不同既滋味，烧完之后更惹味。有好多款特色炸物同野菜类选择，其中芝士年糕外脆内软，好钟意。饮品柜好多日本果汁同饮品都好正，仲有几只牌子既啤酒! 配住烧肉饮都真系几爽下! 因为天气冻冰冰既关系，我地叫左乌冬，滑溜得来又弹牙，份量适中，好味!最后食埋个Haagen-Dazs雪糕就好完