祥利車仔麵 (西洋菜南街) (已結業)

之前有听朋友介绍过，咁啱见到旺角新开，所以专程去试吓。不过佢嘅店面太简约，行过咗龙都唔觉，然后倒返转头揾呢间舖头。人流唔多，只有一两枱客人，环境好清幽，完全唔似车仔面，简约文青风。车仔面，我叫咗油面。𩠌叫咗咖喱鱿鱼、蛋、日式叉烧。如果唔系送咗几条生菜，成个包装真系好似日本拉面。日式叉烧几好食，推荐，如果旧叉烧再大份啲就好，鱿鱼佢比好多，份量几充足。蛋系流心的，真系好有食紧日本拉面嘅feel。我叫小辣，已经都几辣。咖央西多士，附有牛油同埋炼奶。中间的酱会比较多，唔知点解食落有少少奶皇包的味道，不过都算几好食。冻柠茶加$8。椰汁红豆冰加$12埋单HKD 104。