祥香園

营业中

休息中

秋高气爽🍁，又系时候出动去行山啦⛰️，不过今日仲好晒，拣咗个多树荫嘅地方行🏝，就由湾仔峡道出发啦。出发之前先同闺蜜喺附近嘅祥香园食个早餐先🍴。 早餐款式多不胜数，我叫咗个豪华极品系列嘅早餐，雪菜肉丝米粉配美式热狗同埋香煎火腿奄列，加杯热柠蜜，相当满足。雪菜肉丝米粉热辣辣，汤底够味，唔似得有啲茶餐厅个汤底好似滚水咁淡，米粉亦爽口。 美式热狗超大个🌭，个包系烘过，诚意十足，香肠上有大量沙律酱，非常邪恶😈。 香煎火腿奄列涨卜卜，火腿丝份量够多，蛋都算嫩滑，充满牛油香味。 朋友拣咗欧陆风情早餐，香煎鸡扒配炒滑蛋，茄汁豆，薯饼， 丹麦多士，同cafe 嘅all day breakfast 一样，不过性价比就高好多。 听闻祥香园喺西环屹立多年喺上年告别，最近先喺湾仔重开，必定要试埋呢度最驰名嘅莲蓉鸡尾包，新鲜出炉热辣辣，个包拎起好有份量，感觉真材实料，莲蓉馅亦够多，甜度适中。另外再试埋个提子包都唔错，同样咁有份量。