影片
更多
2004-11-15
33 浏览
上星期五九点几先收工, 于是又拉一班同事一齐去福来居牛记食饭, 呢间饭店虽然位于旺角太子后街当中, 但每晚依然非常旺场, 坐街既都摆住六七张台。其实之前已经黎过两三次, 但一直以为都系食街坊小菜出名, 最近经杂志介绍之后先知原来海鲜都系耍家, 因为老板每日都会亲自去鱼贩到拣货, 保证好野先入, 唔靓宁愿唔卖。一坐底先奉上免费例汤,青红萝卜煲猪骨, 赞! 今次黎到即刻就去门口一排发泡胶箱到睇下有乜海鲜食, 眼见有蚬, 扇贝, 圣子, 虾, 蟹, 同各式鱼类等大路海产。最后只系叫左蚬同圣子, 因有同事唔系太好海产; 豉椒炒蚬, 炒得好香够镬气,蚬鲜甜无沙, 个豉椒汁尤其好味, 味道同以前细路时食过既大牌档一样, 甜中带辣, 呢味一定要试。粉丝蒜蓉蒸圣子, 圣子系大只果种,鲜甜爽口。期间见到有不少食客都有叫蒸鱼, 相信鱼应该都抵食。其实食海鲜除左要新鲜之外, 价钱实惠亦非常紧要, 呢到做太子大角嘴街坊生意, 卖既都系街坊价钱。另外我地亦叫多几味小菜, 鸡亦都系呢到既招牌野, 有白切鸡同霸王鸡, 我就较喜爱霸王鸡, 可惜今次觉得只鸡有D过熟, 上两次食就好D。咕噜肉都可以一试, 用半肥瘦猪肉同
一坐底先奉上免费例汤,青红萝卜煲猪骨, 赞! 今次黎到即刻就去门口一排发泡胶箱到睇下有乜海鲜食, 眼见有蚬, 扇贝, 圣子, 虾, 蟹, 同各式鱼类等大路海产。
最后只系叫左蚬同圣子, 因有同事唔系太好海产; 豉椒炒蚬, 炒得好香够镬气,蚬鲜甜无沙, 个豉椒汁尤其好味, 味道同以前细路时食过既大牌档一样, 甜中带辣, 呢味一定要试。粉丝蒜蓉蒸圣子, 圣子系大只果种,鲜甜爽口。期间见到有不少食客都有叫蒸鱼, 相信鱼应该都抵食。其实食海鲜除左要新鲜之外, 价钱实惠亦非常紧要, 呢到做太子大角嘴街坊生意, 卖既都系街坊价钱。
另外我地亦叫多几味小菜, 鸡亦都系呢到既招牌野, 有白切鸡同霸王鸡, 我就较喜爱霸王鸡, 可惜今次觉得只鸡有D过熟, 上两次食就好D。咕噜肉都可以一试, 用半肥瘦猪肉同新鲜菠萝。呢到既豉油皇炒面亦做得唔错, 好多台客人都有叫到。
总之黎呢到食饭, 小炒够镬气, 海鲜价钱公道, 值得推介。
张贴