福岡漢堡扒 (鴻威大廈)

营业中

休息中

之前试过尖沙咀厚福街既福冈汉堡扒，原来旺角花园街都有分店，今日不如一试。福冈汉堡扒其实系来自韩国，呢度主打石烧和牛汉堡扒， 和牛系选用100%澳洲和牛，餐厅特别在于供应炉具比客人自己煎汉堡。汉堡扒一共有6款口味拣，每款仲有3个size选择，分三个价钱。除左汉堡扒，餐牌都有意粉同小食，仲有多款两人套餐。落单用QR code。落完单好快就有得食。今日拣左个$366另加一既两人套餐，包菠萝烟肉和牛汉堡扒（中），芝士蛋蒜和牛汉堡扒（中），芝士泡豚丼饭，同两罐罐装饮品。菠萝烟肉和牛汉堡扒 大 跟餐加$8材料有:和牛汉堡肉球加咗芝士既蛋4件菠萝芝士碎5块烟肉葱花。块铁板系有一旧热石系角落位置。我觉得外面㶶㶶地而入面生生地就最正，外脆内嫩，肉质好滑。到后期铁板唔够热仲可以换块热既。烟肉唔会太咸，都好鲜味。呢个蛋有芝士，滑溜好食又流汁。芝士蛋蒜和牛汉堡扒 大 跟餐加$8呢个芝士蛋蒜和牛汉堡扒就加咗劲多蒜片，芝士同葱花。可以追加配料，我地试左好多款。加墨西哥辣椒 加$10 另加一墨西哥辣椒酸酸辣辣，可以减轻油腻感。加菠萝 加$7 另加一菠萝酸酸甜甜，又可以减轻油腻感。加香蒜 加$7 另加一香蒜非常香口。