龍城冰室

营业中

休息中

九龙湾街坊茶记，选择好多，野食热辣辣，有镬气。普通五十几蚊食个饭，包配汤，唔洗加一。晚市套餐包野饮七十几蚊左右，d 小菜都几出色，两小口食饭/ 一家人4/5个人都可以照顾到。不过繁忙时间通常都等得比较耐，好多外卖订单。老公最钟意食佢既福建炒饭，话有汁易𩠌饭。配料有用上鸡肉，杂锦海鲜，翠玉瓜同虾仁，调味适中，唔会太咸。欣赏佢个炒饭底，蛋丝同饭粒粒分明，炒得好干身，大大碟，好抵食。另外今日试左个XO酱海鲜粉丝煲，不过就普普通通。粉丝炒得太干，冇咩XO 酱味，海鲜有两块鱿鱼一复青口，两只虾同一块鱼块（两只麻雀size），另外有啲椰菜铺底。上菜以为热辣辣，但系食落只系暖暖哋，煲热煲唔热。餐仲配一碗白饭，基本上都食唔到一半，因为食粉丝已经饱咗。茶餐厅基本上就唔期望有咩服务态度，只可以话暂时未有太差既体验。同埋只收现金呢个做法都真系几唔方便，如果可以增加其他付款方式就好了。