廈門風味阿珠小吃店 (已結業)

土瓜湾只要你花心机去揾，横街窄巷其实有好多特色小店。😊 今日黎到呢间小店，食既系平时好少机会食到既「厦门菜」，而且店子小小好似大有来头，揾食饭团黎过拍摄，坤哥，林峰等明星都食过😀正宗福建菜其中有个名菜叫厦门土荀冻？入面原来有虫仔😱 好得人惊呀，真系唔敢食。唯有食返d正常野招牌沙茶面（猪润）$35沙茶面汤底味道好浓厚既沙茶味而且带点杰身，猪肝食落口感较林身，味道属一般没有太大惊喜。沙茶汤入面有点蒜蓉碎，配上面线一齐食令到面线充斥著浓浓既沙茶味。唔错！😊五香卷 $26五香卷系福建小食之一食落口感同平时既付皮有d唔同，似系特别制造既豆皮咁。每条五香卷入面都有碎肉，口感感觉似一条特制过既鸭肉条咁，豆皮应有有返炸过几次，食落唔觉得油腻，干身得黎有「香、酥、脆」既感觉，呢个菜式独特，配以佢既特制辣辣酱食更添一番风味！正呀！😍😍😍👍🏻香芋盒 $16虽然系炸物，但食落好干身唔会觉得好油👍🏻 炸得真系好有水准。入面既外层系芋蓉包著有少量既肉碎同葱段醉，芋蓉唔会做得过太林，食落有少少芋香既甜味，配埋入面既食材一齐食又真系唔错㖞！😋👍🏻❤️整体感觉野食落左好多心机煮，下次一定会再帮衬再试下佢地其他既厦门菜式。