影片
更多
2020-05-28
511 浏览
本身行去邮局𠮶边买嘢，行经福荣街，一望头几间舖，就见到有间新开张嘅餐厅，个招牌叫「Pho Bo」，所以即刻知道系越南餐厅🇻🇳。可能系新开嘅关系，门口有位哥仔好落力同好有礼貌咁拉客。由于唔使等位，所以我同同事一于入去试下。下午一点钟，餐厅坐满哂，我哋只能够坐吧枱，都坐得舒服嘅！但餐厅好似无开冷气咁，加上出面落雨，令我成餐都觉得好热好热、好焗好焗🥵，食到流哂汗，好似喺胡志明街头食紧Pho咁...。餐厅无特别做午餐，因为大部份粉面本身已经包热饮。单𩠌越南粉每碗$34起，一啲都唔贵！感觉有啲似越式车仔面。另外，仲有好多小食选择，平均都系$2x有交易👍。我要咗招牌牛骨汤生牛肉檬粉($34)，老实讲份量就比较少，我病紧所以呢个檬粉量都勉强够食。如果加底要$16，都几贵下🙈！至于🐮🦴牛骨汤，味道都OK，唔会太味精；我比较欣赏系佢会附送两嚿萝卜，都几入味。另外，生牛肉份量属正常，未算太细片、碎湿湿，味道可以。我同事就要咗招牌牛骨汤牛腩片金边粉($34)，我试咗牛腩片，感觉好似比生牛肉多，味道都几好。题外话，每碗粉都会跟九层搭、生芽菜、辣椒粒同青柠，比客人自行调味；🍋青柠畀足大大嚿，唔会唔够喉，正。另外
本身行去邮局𠮶边买嘢，行经福荣街，一望头几间舖，就见到有间新开张嘅餐厅，个招牌叫「Pho Bo」，所以即刻知道系越南餐厅🇻🇳。可能系新开嘅关系，门口有位哥仔好落力同好有礼貌咁拉客。
由于唔使等位，所以我同同事一于入去试下。下午一点钟，餐厅坐满哂，我哋只能够坐吧枱，都坐得舒服嘅！但餐厅好似无开冷气咁，加上出面落雨，令我成餐都觉得好热好热、好焗好焗🥵，食到流哂汗，好似喺胡志明街头食紧Pho咁...。
餐厅无特别做午餐，因为大部份粉面本身已经包热饮。单𩠌越南粉每碗$34起，一啲都唔贵！感觉有啲似越式车仔面。另外，仲有好多小食选择，平均都系$2x有交易👍。
我要咗招牌牛骨汤生牛肉檬粉($34)，老实讲份量就比较少，我病紧所以呢个檬粉量都勉强够食。如果加底要$16，都几贵下🙈！
至于🐮🦴牛骨汤，味道都OK，唔会太味精；我比较欣赏系佢会附送两嚿萝卜，都几入味。另外，生牛肉份量属正常，未算太细片、碎湿湿，味道可以。
我同事就要咗招牌牛骨汤牛腩片金边粉($34)，我试咗牛腩片，感觉好似比生牛肉多，味道都几好。题外话，每碗粉都会跟九层搭、生芽菜、辣椒粒同青柠，比客人自行调味；🍋青柠畀足大大嚿，唔会唔够喉，正。
另外，我哋加咗一份香脆炸虾饼🍤(2件)($22)，嚟到我一望就知系入货的、唔系自家制，因为我食过好多次依只圈型嘅炸虾饼。不过最紧要系好食，呢只够厚肉同弹牙😋。
同事就享用咗$18午市优惠，要咗越莱小食拼盘，呢个即系餐牌原价$25嘅精选拼盘。当中包括烧带子明虾凉伴茄子、蒜香牛油鸡翼同炸春卷，每样各一件，十分丰富。但嚟到见到就觉得炸得比较油😅，惊惊；不过真系几大件，而且一次过有几样款式系吸引嘅。
餐饮方面，热饮唔使加钱，仲有得拣菜蜜同🍊柑桔蜜添。我要咗后者，清清地、唔太甜，唔错🤤。
餐厅吧枱有个挂钓可以挂袋，好方便😂。
总括嚟讲，依间新开嘅越南餐厅性价比真系好高，一碗粉加多样小食都只系$5x，味道亦都算过得去啦！唯一顶唔顺系餐厅冷气不足，希望下次再去依个问题会改善咗啦😊。
张贴
