影片
更多
2013-09-09
2744 浏览
家中表哥移居外国多年，不惯香港潮湿o既天气，所以夏天甚少回港。出生于八月o既表哥今年罕有地喺香港庆生，家中长辈为隆重其事，特别喺「家全七福」设宴庆祝，款待亲友 ！净系听个名「家全七福」都已经觉得个意头好，喺度摆寿宴尤其贴切！其实最近喺报章杂志都有不少有关「家全七福」o既报导，讲及到餐厅老板阵容包括有「福临门」o既前厨皇老板七哥同「还珠格格」赵微等！「家全七福」个名亦好有意义，因七哥在家中排行第七，而且七哥爸爸全名为「徐福全」。「家全七福」位于湾仔杜老志道，除咗离地鐡站远咗少少，乘搭其他交通工具其实都好方便，如果自行驾驶更可享有代客泊车服务，不过个人会选择行路或电车，因为𠮶区成日都有巴士同旅游巴塞住。群策大厦有两边升降机，左边系专比食肆，包括「家全七福」，右边就上写字楼，而晚市开始，其中一部写字楼升降机就转为「家全七福」一家独享 。「家全七福」共三层：我地当日晚宴喺六楼，全层为私人房性质；楼下五楼以做散枱为主，应该都可以坐近百人；厨房则与写字楼一拼设于四楼。五楼同六楼面积一样，只系间隔不同，同埋六楼所有房间都有隔音设备；两层楼面都唔算高，不过好光猛，而且干净企理，就连木地板同杯碟都好
其实最近喺报章杂志都有不少有关「家全七福」o既报导，讲及到餐厅老板阵容包括有「福临门」o既前厨皇老板七哥同「还珠格格」赵微等！「家全七福」个名亦好有意义，因七哥在家中排行第七，而且七哥爸爸全名为「徐福全」。「家全七福」位于湾仔杜老志道，除咗离地鐡站远咗少少，乘搭其他交通工具其实都好方便，如果自行驾驶更可享有代客泊车服务，不过个人会选择行路或电车，因为𠮶区成日都有巴士同旅游巴塞住。群策大厦有两边升降机，左边系专比食肆，包括「家全七福」，右边就上写字楼，而晚市开始，其中一部写字楼升降机就转为「家全七福」一家独享 。「家全七福」共三层：我地当日晚宴喺六楼，全层为私人房性质；楼下五楼以做散枱为主，应该都可以坐近百人；厨房则与写字楼一拼设于四楼。五楼同六楼面积一样，只系间隔不同，同埋六楼所有房间都有隔音设备；两层楼面都唔算高，不过好光猛，而且干净企理，就连木地板同杯碟都好似发光咁，感觉卫生舒适 ！
据舅父所讲，餐厅仍在试业期间，要到九月中先正式运作，叫大家要体谅服务生未必够熟手。话虽如此，如果唔计斟酒速度（计都唔公平，因为家中寿宴经常杯杯胜！ ），小弟觉得当晚o既招呼绝对拍得住五星级大酒店！各位宾客一入门口就已经有条热辣辣o既毛巾抹手，不同酒水解渴；食饭时哥哥仔亦会不时自动换碟，更会每道𩠌上枱时比时间XO仔影相，细心周到，大家都好满意。睇菜单都知唔野少，净系前菜都有八碟，其他𩠌菜又再黎八味，认真「发，发，发」啰 ！
八前菜之蒜茸牛柳粒（$280/例；当晚份量为例半）：蒜味香浓，牛柳粒松软多汁，牛魔王XO仔好满意 ！八前菜之蜜汁烧鳯肝（$170/例；当晚份量为例半）：内脏其实唔系个个人都啱食，所以好多时都会系最后清o既一碟。小肥自己唔系好食鸡肝，眼见碟蜜汁烧鳯肝居然转咗两个圈就食哂，足以证明此道前菜味道应该好唔错！
八前菜之皮蛋酸姜（$150/例；当晚份量为例半）：如相所示，皮蛋只只溏心，卖相已值满分！哗，入口更加系不得了呀，蛋白弹牙，流心蛋黄甜美浓郁，品质极优 ！
八前菜之戈贴明虾（$40/件）：小肥食咁多虾多士，好少见到面包上有咁大只虾架！戈贴明虾中o既大虾爽脆香口，面包却熟软腍，口感同平时连包都系脆o既虾多士好唔同，所以客人o既评语颇为参差！八前菜之千层峰（$170/例；当晚份量为例半）：千层峰其实系猪耳，外表看似简单，但妈咪成日都话烹调好考师傅耐性，因清洗猪耳、煮制卤水汁、再重重叠猪耳，所有工序都需时。整千层峰功夫多，但又唔可以收得太贵，所以好少餐厅会卖，就算有都未必造得好！「家全七福」o既千层峰可以话系肥肥家族食过最好食o既一家 ！切成薄片o既千层峰，清脆无比，干身爽口，以餐厅走高级食肆条线黎讲，小肥觉得真系非常难得！
八前菜之椒盐田鸡腿（$240/例；当晚份量为例半）：田鸡腿肉幼嫩，炸得好够脆，如果蒜味同盐味可以再浓啲，效果会更好！八前菜之蜜汁烧鳝（$240/例；当晚份量为例半）：小弟怕骨，由细到大都唔食鳝。据鳝皇大肥爸爸所讲，道鳝层皮烧得好脆，鳝肉鲜甜嫩滑，一个字：「正」！
大红脆皮乳猪（$1,200）：原只乳猪上枱show完quali后，服务生再将乳猪分开三道上；先是片皮，再黎手撕二度及手脚斩件。乳猪皮薄、松化、少肥、卜卜脆，伴碟o既面包块亦够热、够软熟；手撕乳猪肉质超级幼嫩 ，个人觉得好食过将二度斩件。小肥都系第一次见到一围枱食饭，𠮶只乳猪可以食都冇得剩 ，可想而知只乳猪几有水准！
为响应环保，主人家决定寿宴唔食鱼翅，以花胶烩鸡丝羹及蟹肉炒桂花虾丝代替：花胶烩鸡丝羹（$500/份）：花胶羹好清，白雪雪、滑lut lut o既花胶丝同鸡丝加上韮王整体几清新。
蟹肉炒桂花虾丝（$300/例；当晚份量为4份）：蟹肉虾丝炒得好够干身，因食材新鲜，味道特别甜美，芽菜令口感变得爽脆，唔讲真系以为自己食紧炒桂花翅 ！
大老虎斑弍味之炒球（连皮）+ 苦瓜豆卜炆头腩（$5,000）：怕骨o既小肥唔系好食鱼，不过都因意头关系（「有声气」）食咗两件，嘻嘻 ！炒球o既老虎斑鱼肉甜嫩滑溜，头腩煲就好野味，连苦瓜豆卜都好入味，大肥极为欣赏老虎斑炒球连皮上。
当红炸子鸡（$420/只）：两味鸡比较下，XO仔觉得炸子鸡好食啲！以龙岗鸡所炮制o既炸子鸡个薄皮有如薯片般香脆，连胸肉都好嫩口，完全唔需要酱汁已经好够味，虽然话系炸制，但系食落少肥少油，好健康！此乃小弟食过最好食o既炸子鸡，亦顺理成章成为喺「家全七福」食饭o既必吃之选 ！
玉兰上汤鸡（$240/半只）：可能食咗炸子鸡先啦，先入为主，觉得上汤鸡好清，虽然只鸡冇乜问题，只系冇炸子鸡咁精彩啰！长寿面之姜葱捞粗面（$270/例）：舅父所选o既姜葱捞粗面毫不油腻，而且好有味，大家食完咁多𩠌菜都居然可以食清光，认真难得！
上汤煎粉果：上汤煎粉果乃小肥最爱食之单尾，当晚系舅父特地为小弟而叫o既，当时真系感激流涕！因实在系太兴奋激动，连相都唔记得影就一口气食咗半打 ！粉果松脆干爽又足料，当然亦都系一扫而空啦！
舅父自从成功戒烟，就成为咗甜品皇，晚宴除咗生果，佢仲安排咗三款甜品：
蛋挞仔：蛋挞个馅好香滑，层皮唔会太油或者太厚，所以食得一啲都唔论尽，个酥皮唔会黐住个嘴唇，好啱我口味 ！
蛋皇麻蓉寿桃包：「表哥，生日快乐！！」 此道寿包松软浓味，个人比较钟意食莲蓉馅，不过舅父就话特别喜爱麻蓉馅独特o既口感同香味！
千层糕：哗，真系好耐冇食千层糕啦，感觉好怀旧！可惜小肥最近胆固醇过高，固此未能品尝而作出评价。
据报章杂志所讲，试业期间，甜品全免，经舅父证实，的确如此 ！当晚寿宴消费每人约$1,000，「家全七福」sell o既系真材实料，就连吝啬o既XO仔都觉得物超所值，有宾客更立刻订座 ，再次帮衬，真系唔讲得笑！是次福禄寿宴，舅父、舅母、表哥盛设款待，各位宾客都非常尽兴 ！「家全七福」意头好，地方又够高雅舒适，私人空间充足，工作人员服务态度诚恳，开私人派对就最适合不过！虽则话系试业期间，不过食材优质，厨艺有水准，晚宴只食剩猪头，食物美味程度不言而喻！小肥想值此机会再一次多谢舅父一家 ！
张贴
