影片
更多
2018-02-09
6946 浏览
密友偶尔会话同我去陆羽饮茶，但迟迟未有机会，咁啱一早出左湾仔，灵机一触提议去福临门饮茶，豪富饭堂福临门！！讲明系富豪饭堂就梗系价格不菲架啦，喺中环饮餐茶，翠亨邨呢啲比较高档嘅酒楼，卖四五十蚊一个点心都算贵，呢度起码再贵三四成🙈先嚟碟四季豆作前菜，唔记得睇单都唔知要几钱蒜蓉蒸鲜鱿、鲜虾蒸粉菓、笋尖鲜虾饺，全部即叫即蒸够哂新鲜热辣，味道都冇令我地失望。虾饺咬开条虾劲粗🙈虾肉爽口，用料上盛。$80一碟牛肉肠都咪话唔贵，但我同密友一人食一件后相视而笑....点解可以咁滑架？？😂整虾饺整鲜鱿要整得好，原材料系首要条件，但拉一个肠粉，考嘅系功夫。呢碟肠粉我可以话系成世人食过最好食嘅肠粉😆南瓜红豆饼，南瓜搓成嘅皮系烟烟靭靭嘅，里面嘅红豆茸唔会好似一般唐饼用嘅豆沙咁甜，但估计系半煎炸制成，极之吸油，太油腻。半份荷叶饭，个阿姐话都有6碗份量（我地两个人食哂🌚）荷叶好大块，质地成块布咁，唔会蒸到湿哂一夹开就烂。一拆开一阵荷香好吸引，虽然卖相平平，但呢个饭真系好足料。米饭粒粒分明，材料全部都切到好细好细粒，非常考刀功， 有冬菇、瑶柱、鸡粒、蟹肉、火鸭粒、笋粒等等，夹埋有十种八种配料😯夹埋前菜、茶钱、加一，埋
讲明系富豪饭堂就梗系价格不菲架啦，喺中环饮餐茶，翠亨邨呢啲比较高档嘅酒楼，卖四五十蚊一个点心都算贵，呢度起码再贵三四成🙈
先嚟碟四季豆作前菜，唔记得睇单都唔知要几钱
蒜蓉蒸鲜鱿、鲜虾蒸粉菓、笋尖鲜虾饺，全部即叫即蒸够哂新鲜热辣，味道都冇令我地失望。
虾饺咬开条虾劲粗🙈虾肉爽口，用料上盛。
$80一碟牛肉肠都咪话唔贵，但我同密友一人食一件后相视而笑....点解可以咁滑架？？😂整虾饺整鲜鱿要整得好，原材料系首要条件，但拉一个肠粉，考嘅系功夫。呢碟肠粉我可以话系成世人食过最好食嘅肠粉😆
南瓜红豆饼，南瓜搓成嘅皮系烟烟靭靭嘅，里面嘅红豆茸唔会好似一般唐饼用嘅豆沙咁甜，但估计系半煎炸制成，极之吸油，太油腻。
半份荷叶饭，个阿姐话都有6碗份量（我地两个人食哂🌚）荷叶好大块，质地成块布咁，唔会蒸到湿哂一夹开就烂。一拆开一阵荷香好吸引，虽然卖相平平，但呢个饭真系好足料。
米饭粒粒分明，材料全部都切到好细好细粒，非常考刀功， 有冬菇、瑶柱、鸡粒、蟹肉、火鸭粒、笋粒等等，夹埋有十种八种配料😯
夹埋前菜、茶钱、加一，埋单$700左右，饮餐茶一般一个人真系好少食到$350，但话分两头，点心真系好高质，同埋真系好饱，6个钟都未饿😂结论系物有所值，值得一试。
张贴
