禮記 (已結業)

平时好少黎将军澳呢头，今日中午黎左呢间礼记食点心。呢度装修新潮摩登，绝非一般中式酒楼可相比。唔知道野食方面又如何呢？点心纸一目瞭然，有礼点，蒸点，炸点，包点，肠粉，同甜品，选择唔算太多。茶位每位$13。点心价位分别系：超点 $58顶点 $48特点 $43大点 $39中点 $34小点 $25周末假日贵$1。今日第一次帮衬，点左几款点心试试。点心全部即叫即蒸。焗雪山叉烧包 顶点焗雪山叉烧包一客3件，外烫内暖既包，上碟前应该轻轻拖过一下油，所以有脆皮。馅料系粒粒叉烧。礼记黑金虾饺皇 超点礼记黑金虾饺皇一客3件，饺皮唔问都知系加咗墨鱼汁，有阵特别既海鲜甜味，亦都令饺皮更富弹性。另外就有食用金箔划了一笔，成为黑金皮，就成为一件高档次点心。每只虾饺皇入面有两只全虾，不负所托既超点！红菜头松露野菌饺 特点红菜头松露野菌饺一客3件，饺皮用左红菜头一齐搓，天然水晶红色卖相一流！里面塞满野菌，混入黑松露酱，香味四溢。小鸡鸡 大点小鸡鸡一客3件，今次带咗小朋友嚟，叫咗个小鸡鸡即系豆沙馅包，卖相很可爱，小朋友好钟意。期待下次试小菜。