禮記 (已結業)

😎继续同各位一齐觅肉～今次去南澳海滨长廊旁嘅MONTEREY Place，充满渡假风，好chill好舒服。由于朋友喜欢中菜，所以我哋今次拣咗「礼记」。眼见广场其实开设咗提供唔同国家菜式嘅餐厅，下次有机会再试吓～🥩蜜汁叉烧（$128）：叉烧浸淫于浓稠嘅蜜汁中，以热烫嘅铁板呈上。高温嘅铁板让蜜汁保持滚汤冒泡，滋滋作响。系灯光底下好似识发光咁！视觉上一流，但系食物最紧要都系好味！切开之后，叉烧半肥瘦，肉质软腍，口感十分好！加上大量嘅蜜汁，好滋味，小编一个人食咗大半份～（会因为份叉烧再帮衬礼记）🥢腰果鸡丁（$238）：主要材料有芹菜、蘑菇、鸡丁及腰果。鸡丁系原块鸡件即时斩的，偏似老鸡肉，口感未至细嫰但系好有鸡用香。腰果香脆，成道菜有镬气。🍚蛋白鲜虾炒饭（$128）：白饭粒粒分明，虾仁新鲜肉厚。瑶柱蛋白炒香饭底。好大份，两个人都食唔晒。（建议先食白饭再食叉烧，避免浓味叉烧盖过蛋白炒饭嘅香味。）🍵茶芥（$13）：有四款茶底俾食客选择，小编拣咗坊间比较少见嘅玫瑰荔枝茶。闻就玫瑰味比较浓厚，入口有淡淡的荔枝香。高质茶底！承惠十三元一位。😋整体而言：坐位坐得舒服，茶香，叉烧正！见Openrice好多人介