禮賓傅 (已結業)

平时特别喜欢系中环地段觅食，要平民化嘅平价美食又有，要以前高级官员先享用到嘅高级美食又有。讲紧嘅系呢间叫「礼宾傅」嘅餐厅，由前礼宾府行政总厨打理，可以享用到以往招待不同国家元首嘅美食，什至一啲新派创作。中菜通常都要一大班人食先品尝到最多美食，礼宾傅则贴心地预备咗两款一人前嘅餐单，即使人少少都可以试到多款菜式。我地选择左$680/head嘅tasting menu。第一道前菜 - 迷你鲍鱼多士。鲍鱼肉质爽弹，味道鲜美。中间嘅青瓜有画龙点睛嘅作用，增加爽脆口感，亦减低炸多士嘅油腻。三样野配合得恰到好处。甫食完鲍鱼多士，待应就随即上第二道前菜 - 燕窝酿鸡翼。鸡翼炸得香脆，一啖咬落去内里充满住燕窝，女性朋友一定喜欢。推之后到羊肚菌炖螺头汤，汤底清甜，啱哂唔系成日有汤饮嘅我。鲜蟹肉大良炒鲜奶炒鲜奶最难在于火喉，炒太猛会老而且仲返唔到转头，而呢个炒鲜奶嫩滑，加埋蟹肉提鲜真系恰到好处。红烧花胶浓浓鲍汁煮成花胶相当惹味，花胶胶质丰富，养颜之选。南瓜烩安格斯牛腩牛腩味浓，而肉质软淋，加埋南瓜可省却油腻感。礼宾傅炒饭中国人始终都要有粒饭落肚，而呢个炒饭除咗有鲍鱼等名贵材料外，更炒得饭粒分明相当惹味。