影片
更多
2023-07-18
142 浏览
生日前后嘅时间，总会食咗好多餐生日饭。阿妈刚巧放假，话约食餐生日饭，简单吃就约居酒屋应该最好，一来乜都有得食，二来又可以控制住唔会吃太多。之前喺土瓜湾已经好想食呢间居酒屋，原来九龙城都有间分店，于是就订咗两位试吓，谁知呢度仲要有加$98就有两个小时嘅任饮啤酒同清酒优惠，本来唔想饮，结果都系照饮。送嘅前菜都几好食，一如平常居酒屋，水准唔会太差。先来的厚切牛舌芯，够热够厚，咸左少少，但无损其表现。蟹羔玉子烧，入面嘅蟹羔都算几澎湃，而且玉子好滑。渍物三点，牛旁，辣蒜头同淹萝卜，送酒绝对系一流。前菜的胡麻蕃茄沙律，阿妈话未试过咁新鲜，蕃茄甜到一个地步，一食就知道系日本飞机货。唐扬炸鸡炸得刚好，热辣辣面咬落去有强劲的肉汁，送啤酒系不能说的好。厚烧豆腐又系尽显功架，一试就知道居酒屋嘅水准。青森青提豚肉卷同富士苹果豚肉卷，以两种唔同嘅水果去做嘅串烧，减低串烧嘅油腻感，个人觉得富士苹果个味特别啲。紫苏三味鸡肉串，呢个绝对系我当晚嘅最爱，紫苏嘅香气够，鸡肉唔会过火，依旧好嫩滑。粟米加左牛油去烧，又点会唔好，唯独唔好系一串串应该食得方便啲。两个人简简单单食，每人都系几百蚊，唔使大鱼大肉，倾吓偈咁就一餐，生
生日前后嘅时间，总会食咗好多餐生日饭。
阿妈刚巧放假，话约食餐生日饭，简单吃就约居酒屋应该最好，一来乜都有得食，二来又可以控制住唔会吃太多。
之前喺土瓜湾已经好想食呢间居酒屋，原来九龙城都有间分店，于是就订咗两位试吓，谁知呢度仲要有加$98就有两个小时嘅任饮啤酒同清酒优惠，本来唔想饮，结果都系照饮。
送嘅前菜都几好食，一如平常居酒屋，水准唔会太差。
先来的厚切牛舌芯，够热够厚，咸左少少，但无损其表现。
蟹羔玉子烧，入面嘅蟹羔都算几澎湃，而且玉子好滑。
渍物三点，牛旁，辣蒜头同淹萝卜，送酒绝对系一流。
前菜的胡麻蕃茄沙律，阿妈话未试过咁新鲜，蕃茄甜到一个地步，一食就知道系日本飞机货。
唐扬炸鸡炸得刚好，热辣辣面咬落去有强劲的肉汁，送啤酒系不能说的好。
厚烧豆腐又系尽显功架，一试就知道居酒屋嘅水准。
青森青提豚肉卷同富士苹果豚肉卷，以两种唔同嘅水果去做嘅串烧，减低串烧嘅油腻感，个人觉得富士苹果个味特别啲。
紫苏三味鸡肉串，呢个绝对系我当晚嘅最爱，紫苏嘅香气够，鸡肉唔会过火，依旧好嫩滑。
粟米加左牛油去烧，又点会唔好，唯独唔好系一串串应该食得方便啲。
两个人简简单单食，每人都系几百蚊，唔使大鱼大肉，倾吓偈咁就一餐，生日唔一定要大排筵席，最紧要开心就够。
张贴
