影片
更多
2010-01-10
166 浏览
唔系大佬极力推介,抵食又好食,睇门面,经过都唔会入去帮衬。18:45尚早,唔系好多人,不过食食吓,90%满。两大豌例汤,合掌瓜汤,好有住家味道,不过出外食野,点住家feel,都会略咸少少。唔知叫咩名花蛤,但似是潮式做法,有肉碎、芹菜、酸菜熬汤,煮熟花蛤。花蛤大只,而且没煮过火,好有鲜味。汤也有著蛤甜,好好食!(但汤咸左D)豉油皇大虾,拉油后也不太油淋淋,豉油皇味道啱啱封著大虾,大虾又鲜甜,非常好食!红烧豆腐,一碟咁普通的𩠌,也做得很出色!豆腐没有容易被夹烂,薄薄一朕炸浆,封住整件豆腐,还有那软绵绵的鲮鱼肉,第一次感觉到酿豆腐,系连为一体架!蒜蓉灼菜心,一d都唔油。鱼泡,一向怕食鱼内脏,但order左,点都有佢好食之处。食左第一件,哗!!!好柔软的鱼泡啊!同「韧」完全拉唔上关系!因为佢唔系用拉油做法,而系用水灼熟,再炆,所以好软熟,易入口。石斑尾炆火腩凉瓜,呢碟最差。味道系ok既,但献汁太劲,加上件石斑好韧皮,要用刀叉锯,锯到蓉蓉烂烂,一pet浆。凉瓜又腍晒。大佬话这里有夜茶饮,问吓而家有无大包$11。伙计说,咁早未有。之后很劳心劳力地,帮我地入厨房睇睇,问我地要几多个,说:「o系雪柜攞
18:45尚早,唔系好多人,不过食食吓,90%满。
两大豌例汤,合掌瓜汤,好有住家味道,不过出外食野,点住家feel,都会略咸少少。
唔知叫咩名花蛤,但似是潮式做法,有肉碎、芹菜、酸菜熬汤,煮熟花蛤。花蛤大只,而且没煮过火,好有鲜味。汤也有著蛤甜,好好食!(但汤咸左D)
豉油皇大虾,拉油后也不太油淋淋,豉油皇味道啱啱封著大虾,大虾又鲜甜,非常好食!
红烧豆腐,一碟咁普通的𩠌,也做得很出色!豆腐没有容易被夹烂,薄薄一朕炸浆,封住整件豆腐,还有那软绵绵的鲮鱼肉,第一次感觉到酿豆腐,系连为一体架!
蒜蓉灼菜心,一d都唔油。
鱼泡,一向怕食鱼内脏,但order左,点都有佢好食之处。食左第一件,哗!!!好柔软的鱼泡啊!同「韧」完全拉唔上关系!因为佢唔系用拉油做法,而系用水灼熟,再炆,所以好软熟,易入口。
石斑尾炆火腩凉瓜,呢碟最差。味道系ok既,但献汁太劲,加上件石斑好韧皮,要用刀叉锯,锯到蓉蓉烂烂,一pet浆。凉瓜又腍晒。
大佬话这里有夜茶饮,问吓而家有无大包$11。伙计说,咁早未有。之后很劳心劳力地,帮我地入厨房睇睇,问我地要几多个,说:「o系雪柜攞出黎架!其实你返去蒸10分钟就食得!用隔水纸盖住,阻隔倒汗水。」之后又攞埋笼底隔水纸俾我地!
大包,番屋企蒸黎过,果然好有料!始终包皮唔系即叫即做/隔夜,所以唔会特别松软/惊喜。但企理的馅料有,鹌鹑蛋、菜丝、鲜虾、鸡件、火腿,而且充满姜味!非常之好食!
睇黎,大时大节食饭,又有一个好选择!
张贴
