煮打菜打冷小菜館 (已結業)

朋友住喺筲箕湾，𠮶日去完佢屋企探佢，佢就带咗你食呢一间打冷，佢话包我食过返寻味，咁犀利，所以抱住好奇一试嘅心态就去左食。卤水拼盘，食得出d卤水汁好多年够晒味又唔似坊间𠮶啲会咁咸。炸蚝饼，你睇啲蚝又肥又大，而且落足料好多蚝，炸得又唔油。呢个蒜油牛油蚬系必食，蚬充满住香蒜同牛油味，无沙，蚬好大只但唔韧，一定要食！银鱼爆牙肉饼，得奖菜式，切碎鱿鱼加入肉饼，又滑又弹牙加上脆脆炸银鱼，真系要黎多碗白饭！名副其实既禾秆冚珍珠，深藏不露既小菜馆，难怪连平日都人头涌涌！