私家廚房 (已結業)

好耐无叫齐饭脚去食饭啦，今日难得叫齐人，所以就揾左呢间私家厨房，贪佢私隐度够高，4人位会好似独立厢房仔咁，食都食得特别开怀啦。4个人，因为大家都觉得肚饿，所以叫左7样野左右，后尾发现食物份量都几多，所以每人都仲可以打包一盒，第2日带返工做lunch。其实全晚D野都唔错，服务又好，拣几样特别推荐讲下啦。笼仔荷叶海龙皇蒸饭：上面有齐鱼虾蟹，海鲜平均地铺满饭面，上台个下闻到淡淡的荷叶香气，而米粒就吸哂所有海鲜的精华，就连平时唔太食饭的我都觉得好好味。姜葱焗美国桶蚝：未黎到已经听到滋滋声，上台见到热辣辣，大家就已经忍不住要起筷。蚝肉大大粒又饱满，熟度控制得刚刚好，连同酱汁同食非常惹味。生炒骨：有惊喜，酱汁入口甜酸度适中，唔会甜到好奇怪，而排骨炸得脆卜卜而不油腻，果然系要新鲜热辣即叩即炒最好味。