影片
更多
2018-07-29
425 浏览
🥔香煎酿藕饼 ($118)一坐低先叫左一碟莲藕饼，一上菜个下侍应都未放低碟饼就已经闻到好香喇。一碟藕饼有8旧，份量都几多，特别系我地得两小口子去食。每旧藕饼都有块生菜铺系底，食落即刻觉得无咁热气。藕饼入面都好足料，一粒粒莲藕配上猪肉，加埋煎到啱啱好既饼面，唔会好㶶。十分好食，可以当系前菜开一开个胃，之后打大佬。🐴沙嗲粉丝牛肉煲 ($118)要试到一间餐厅既水准，好多时叫个煲试下就知佢够唔够火喉喇。今次叫左最平民既沙嗲粉丝牛肉煲，上菜既时候都仲系热到有泡泡，侍应都提我地系劲热唔好掂到个煲，远远都feel 到佢个种热力。个煲要有既配料都有齐晒，系唔错既。粉丝、芽菜、金菇、菠萝都有。牛肉都好好食，唔会太硬，又食唔出有特别用左梳打粉会加工。嗯！合格，可以继续叫其他。🍚丝苗白饭 ($15)食得煲，识食既一定会叫碗白饭捞汁拌饭。够晒饱肚同埋食到个煲既精粹。🐟老辉砵仔焗鱼肠 ($168)黎到有特色既餐廰紧系要食番D有特色既𩠌喇。一听到格离枱既食客叫哩个焗鱼肠，男朋友即刻心心眼，心郁郁咁揭个menu。最终我地都叫左一个试下。个卖相十分之好。用砵仔焗直情系跟足传统，仲要加埋油炸鬼，又香口又入晒味。好正喇
一坐低先叫左一碟莲藕饼，一上菜个下侍应都未放低碟饼就已经闻到好香喇。
一碟藕饼有8旧，份量都几多，特别系我地得两小口子去食。
每旧藕饼都有块生菜铺系底，食落即刻觉得无咁热气。
藕饼入面都好足料，一粒粒莲藕配上猪肉，加埋煎到啱啱好既饼面，唔会好㶶。十分好食，可以当系前菜开一开个胃，之后打大佬。
🐴沙嗲粉丝牛肉煲 ($118)
要试到一间餐厅既水准，好多时叫个煲试下就知佢够唔够火喉喇。
今次叫左最平民既沙嗲粉丝牛肉煲，上菜既时候都仲系热到有泡泡，侍应都提我地系劲热唔好掂到个煲，远远都feel 到佢个种热力。
个煲要有既配料都有齐晒，系唔错既。粉丝、芽菜、金菇、菠萝都有。牛肉都好好食，唔会太硬，又食唔出有特别用左梳打粉会加工。
嗯！合格，可以继续叫其他。
🍚丝苗白饭 ($15)
食得煲，识食既一定会叫碗白饭捞汁拌饭。够晒饱肚同埋食到个煲既精粹。
🐟老辉砵仔焗鱼肠 ($168)
黎到有特色既餐廰紧系要食番D有特色既𩠌喇。一听到格离枱既食客叫哩个焗鱼肠，男朋友即刻心心眼，心郁郁咁揭个menu。最终我地都叫左一个试下。
个卖相十分之好。用砵仔焗直情系跟足传统，仲要加埋油炸鬼，又香口又入晒味。好正喇已经，但原来个内里仲正。
个蛋焗得啱啱好，唔会好老。鱼肠食落去无异味，证明佢系洗鱼肠既过程都好落足力。仲有埋鱼肝鱼膶，仲好过去食OMEGA3既Supplement。
要特别赞既系，佢仲会加左少少姜丝同埋金华火腿丝，男朋友仲话食过咁多间焗鱼肠，都系第一次食到有加金华火腿咁足料。
哩个真系俾爆分。必试推介。
😋腐竹薏米糖水
最后，餐厅仲送左两碗糠水俾我地，咁啱系我中意食既腐竹薏米糖水。唔会话超甜，甜度适中，加上有劲薏米，好有口感可以慢慢食，仲要食埋男朋友个碗。正 ！
🍵茶位 ($20，2人)
多谢茶芥加一。
张贴
